ജിദ്ദ: സഊദിയിൽ ഗാർഹിക തൊഴിലെടുക്കുന്ന മലയാളികൾ ഉൾപ്പെടെയുള്ള പ്രവാസികൾക്ക് സന്തോഷ വാർത്ത. ഗാർഹിക തൊഴിലാളികൾക്ക് ആരോഗ്യ ഇൻഷുറൻസ് ബാധകമാക്കുന്നതിനുള്ള നിയമങ്ങൾക്ക് സൗദി മന്ത്രിസഭയുടെ അംഗീകാരം ലഭിച്ചു.

പ്രത്യേക സമിതി രൂപീകരിച്ച നിയമങ്ങൾക്കാണ് ജിദ്ദ അൽ സലാം കൊട്ടാരത്തിൽ ചേർന്ന മന്ത്രിസഭാ യോഗത്തിൽ അംഗീകാരം നൽകിയത്. കൗൺസിൽ ഓഫ് ഹെൽത്ത് ഇൻഷുറൻസിന്റെ ചെയർമാനും സ്ഥാപനങ്ങളുടെ പ്രതിനിധികളും ചേർന്നതായിരുന്നു സമിതി.

ഒരാളുടെ കീഴിൽ നാലിലേറെ ഗാർഹിക തൊഴിലാളികളെ നിയമിച്ചാലാണ് ഇൻഷുറൻസ് നിയമം ബാധകമാവുക. നാലിലേറെ ഗാർഹിക തൊഴിലാളികൾ ആകുന്നതോടെ ഓരോ ആളുകൾക്കും ആരോഗ്യ ഇൻഷുറൻസ് പരിരക്ഷ ലഭിക്കും.