അലനല്ലൂര്‍: എസ്.കെ.എസ്.എസ്.എഫ് ത്വലബാ വിങ് സംസ്ഥാനതലത്തില്‍ ആചരിക്കുന്ന തിദ്കാര്‍ സ്മൃതി സംഗമത്തിന്റെ ജില്ലാതല ഉദ്ഘാടനം അലനെല്ലൂരില്‍ നടന്നു.
താഴേക്കോട് കുഞ്ഞലവി ഉസ്താദിന്റെ മഖാം സിയാറത്തിന് ജില്ലാ മുദരിസീന്‍ ജന.സെക്രട്ടറി സി. മുഹമ്മദ് കുട്ടി ഫൈസി നേതൃത്വം നല്‍കി.
 ലോഗോ പ്രകാശനം ജില്ലാ ത്വലബാ വിങ് ചെയര്‍മാന്‍ റഷീദ് കമാലി മോളൂരിന് നല്‍കി സി. മുഹമ്മദ് കുട്ടി ഫൈസി നിര്‍വഹിച്ചു. ജില്ലാ എസ്.കെ.എസ്.എസ്.എഫ് ജന.സെക്രട്ടറി ശമീര്‍ ഫൈസി കോട്ടോപാടം, ത്വലബാ വിങ് സംസ്ഥാന കണ്‍വീനര്‍ ഉവൈസ് പതിയങ്കര, ജില്ലാ കണ്‍വീനര്‍ ഹക്കീം തോട്ടര, ഉബൈദ് ആക്കാടന്‍, ഫായിസ് നാട്ടുകല്‍ പ്രസംഗിച്ചു.