കൊല്ലം: കൊല്ലം പെരുമണ്‍ എഞ്ചിനീയറിംഗ് കോളേജില്‍ വിനോദയാത്ര പുറപ്പെടും മുമ്പ് ടൂറിസ്റ്റ് ബസിന് തീപ്പിടിച്ചു. യാത്രയ്ക്ക് മുന്‍പ്
ബസിന് മുകളില്‍ വലിയ പൂത്തിരി കത്തിക്കുകയായിരുന്നു. പൂത്തിരിയില്‍ നിന്ന് ബസിലേക്ക് തീ പടരുന്നു. ജീവനക്കാര്‍ തീ അണച്ചതിനാല്‍ വന്‍ അപകടം ഒഴിവായി.

സംഭവത്തില്‍ കോളേജിന് പങ്കില്ലെന്നും ബസ് ജീവനക്കാരാണ് ഉത്തരവാദികളെന്നും കോളജ് പ്രിന്‍സിപ്പല്‍ വ്യക്തമാക്കി. വിദ്യാര്‍ഥികളെ ആവേശത്തിലാക്കാന്‍ വേണ്ടി ബസ് ജീവനക്കാര്‍ തന്നെയാണ് ഇത്തരത്തില്‍ ബസിന് മുകളില്‍ പൂത്തിരി കത്തിച്ചതെന്നാണ് ലഭിക്കുന്ന വിവരം.