അബുദാബിയില്‍ ജനവാസമേഖലയില്‍ അഗ്‌നിബാധ

അബുദാബി: യുഎഇ തലസ്ഥാനമായ അബുദാബിയിലുണ്ടായ അഗ്‌നിബാധയില്‍ ആറ് പേര്‍ മരിച്ചു. ഏഴ് പേര്‍ക്ക് പരുക്കേറ്റു. ഇതില്‍ രണ്ടുപേരുടെ നില ഗുരുതരം. തെക്ക് കിഴക്കന്‍ അബുദാബിയിലെ ബനിയാസില്‍ അല്‍ മൊസാസ് മേഖലയിലെ വില്ലയിലാണ് തീപ്പിടിത്തം ഉണ്ടായത്. സ്വദേശി പൗരന്മാര്‍ കൂടുതലായി താമസിക്കുന്ന പ്രദേശമാണിത്. മരിച്ചവരുടെ വിശദാംശങ്ങള്‍ ലഭിച്ചിട്ടില്ല. പുലര്‍ച്ചെയാണ് തീപ്പിടിത്തം ഉണ്ടായതെന്നാണ് വിവരം.

ഫോണ്‍സന്ദേശം ലഭിച്ച ഉടന്‍ സിവില്‍ ഡിഫന്‍സ് സ്ഥലത്തെത്തി തുടര്‍ നടപടി സ്വീകരിച്ചു. തെറ്റായ വിവരങ്ങള്‍ സമൂഹമാധ്യമങ്ങളിലൂടെ പ്രചരിപ്പിക്കരുതെന്ന് അബുദാബി സിവില്‍ ഡിഫന്‍സ് അറിയിച്ചു.