കെ.വി തോമസിന്റെ ആവശ്യത്തിന് മന്ത്രിസഭ അംഗീകാരം

തിരുവനന്തപുരം: ഡല്‍ഹിയില്‍ സംസ്ഥാന സര്‍ക്കാരിന്റെ പ്രത്യേക പ്രതിനിധിയായ കെ.വി തോമസിന് ശമ്പളത്തിനും അലവന്‍സിനും പകരം പ്രതിമാസം ഒരു ലക്ഷം രൂപ ഓണറേറിയം അനുവദിക്കാന്‍ മന്ത്രിസഭ തീരുമാനം. കൂടാതെ രണ്ട് അസിസ്റ്റന്റുമാര്‍,ഒരു ഓഫിസ് അറ്റന്‍ഡര്‍,ഒരു ഡ്രൈവര്‍ എന്നിവരെ നിയമിക്കാനും തീരുമാനമായി.

ഡല്‍ഹി കേരള ഹൗസിലാണ് കെ.വി.തോമസിന്റെ ഓഫിസ്. ശമ്പളം വേണ്ടെന്നും ഓണറേറിയം മതിയെന്നും ആവശ്യപ്പെട്ട് കെ.വി തോമസ് സര്‍ക്കാരിന് കത്ത് നല്‍കിയിരുന്നു.