താമരശ്ശേരി: താമരശ്ശേരി അല്‍ഫോന്‍സ സീനിയര്‍ സെക്കണ്ടന്‍ഡറി സ്‌കൂള്‍ പ്രിന്‍സിപ്പല്‍ ഫാ.ജോര്‍ജ്ജ് തോമസ് ചേലയ്ക്കല്‍ സി.ബി.എസ്.ഇയുടെ ദേശീയ പുരസ്‌കാരത്തിന് അര്‍ഹനായി. മൂല്യാധിഷ്ഠിത വിദ്യാഭ്യാസത്തിലൂടെ വിദ്യാര്‍ഥികളെ പഠനത്തിലുംജീവിതത്തിലും ഉന്നത വിജയത്തിലെത്തിക്കാന്‍ ചിട്ടയായ പ്രവര്‍ത്തനത്തിന്  നേതൃത്വം നല്‍കിയതിനും വിദ്യാഭ്യാസ മേഖലയിലെ സമഗ്ര സംഭാവനകള്‍ക്കുമാണ് സി.ബി.എസ്.ഇ നാഷണല്‍ അവാര്‍ഡ് ടു ടീച്ചേഴ്‌സ് പുരസ്‌കാരത്തിന് അര്‍ഹത നേടിയത്. അന്‍പതിനായിരം രൂപയും പ്രശസ്തി പത്രവുമടങ്ങുന്നതാണ് പുരസ്‌കാരം.
    അവാര്‍ഡ് അധ്യാപക ദിനമായ സെപ്റ്റംബര്‍ മൂന്നിന് ഡല്‍ഹിയില്‍ നടക്കുന്ന പരിപാടിയില്‍  കേന്ദ്ര മാനവ വിഭവശേഷി വകുപ്പ് മന്ത്രി പ്രകാശ് ജാവ്‌ദേക്കറില്‍ നിന്ന് അദ്ദേഹം ഏറ്റുവാങ്ങുമെന്ന് അല്‍ഫോന്‍സ ഇംഗ്ലീഷ് മീഡിയംസ്‌കൂള്‍    മാനേജര്‍ മോണ്‍. മാത്യുമാവേലി പത്ര സമ്മേളനത്തില്‍ അറിയിച്ചു.