കുന്ദമംഗലം: ഫെല്ലട്രോഫിയ്ക്കുവേണ്ടി ജില്ലാ സോഫ്റ്റ്‌ബോള്‍ അസോസിയേഷന്‍ കുന്ദമംഗലം എച്ച്.എസ്.എസ് ഗ്രൗണ്ടില്‍ സംഘടിപ്പിച്ച ജില്ലാ സീനിയര്‍ സോഫ്റ്റ്‌ബോള്‍ ചാംപ്യന്‍ഷിപ്പ് ഫൈനലില്‍ ഗവ: കോളജ് മടപ്പള്ളിയെ മൂന്നിനെതിരേ ആറ് റണ്‍ നേടി ഫാറൂഖ് കോളജ് ചാമ്പ്യന്മാരായി. കോഴിക്കോട് മലബാര്‍ ക്രിസ്ത്യന്‍ കോളജ് മൂന്നാം സ്ഥാനം നേടി. വനിതാവിഭാഗം ഫൈനലില്‍ കാരന്തൂര്‍ മര്‍ക്കസ് ഗേള്‍സ് എച്ച്.എസ്.എസിനെ രണ്ടിനെതിരേ എട്ട് റണ്‍ നേടി ചാലിയം ഇമ്പിച്ചി ഹാജി എച്ച്.എസ്.എസ് ചാമ്പ്യന്മാരായി.
ഗവ: കോളജ് മടപ്പള്ളി മൂന്നാംസ്ഥാനം നേടി. സമാപന ചടങ്ങില്‍  സോഫ്റ്റ്‌ബോള്‍ അസോസിയേഷന്‍ സംസ്ഥാന വൈസ് പ്രസഡന്റ് എ.കെ മുഹമ്മദ് അഷ്‌റഫ് വിജയികള്‍ക്ക് ഗ്രോഫികളും സര്‍ട്ടിഫിക്കറ്റുകളും വിതരണം ചെയ്തു. കെ.പി വസന്തരാജന്‍ അധ്യക്ഷനായി. എന്‍.പി ഫാബില്‍ അഷ്ഹര്‍, എന്‍.പി തന്‍വീര്‍, ഫൈസല്‍ കുന്ദമംഗലം, പി ഷഫീഖ്, എ.എസ് ഹിഷാം അബ്ദുള്ള പ്രസംഗിച്ചു.