പട്‌ന: മലയാള സിനിമാ താരം അനുപമ പരമേശ്വരന്റെ ചിത്രം ബിഹാര്‍ അധ്യാപക യോഗ്യതാ പരീക്ഷാഫലത്തില്‍. സെക്കന്‍ഡറി അധ്യാപക യോഗ്യതാ പരീക്ഷയെഴുതിയ ഋഷികേശ് കുമാറിന്റെ റിസല്‍ട്ടിലാണ് അനുപമയുടെ ചിത്രം വന്നിരിക്കുന്നത്. ഇദ്ദേഹത്തിന് പരീക്ഷാ ഹാള്‍ ടിക്കറ്റ് ലഭിച്ചപ്പോഴും ഫോട്ടോ അനുപമയുടേതായിരുന്നു.

2021 മാര്‍ച്ചില്‍ നടന്ന എസ്ടിഇടി പരീക്ഷാഫലം പ്രഖ്യാപിച്ചപ്പോഴാണ് സംഭവം. ഉര്‍ദു, സംസ്‌കൃതം, സയന്‍സ് പരീക്ഷകളുടെ മാര്‍ക്ക് ലിസ്റ്റില്‍ അനുപമയുടെചിത്രമാണ് നല്‍കിയിരിക്കുന്നത്.

വിവാദമായതോടെ സംഭവത്തില്‍ വിദ്യാഭ്യാസ വകുപ്പ് അന്വേഷണത്തിന് ഉത്തരവിട്ടു.

കഴിഞ്ഞ വര്‍ഷം ബിഹാര്‍ ജൂനിയര്‍ എഞ്ചിനീയര്‍ പരീക്ഷാഫലത്തിലും പിഴവ് വന്നിരുന്നു. അന്ന് ഒന്നാം റാങ്ക് നേടിയത് ബോളിവുഡ് നടി സണ്ണി ലിയോണ്‍ ആയിരുന്നു.