മൈസൂരുവിനടുത്ത് കാറും ബസും കൂട്ടിയിടിച്ച് 10 പേര്‍ മരിച്ചു

മൈസൂരു: മൈസൂരുവിലുണ്ടായ വാഹനാപകടത്തില്‍ 10 മരണം. മൈസൂരുവിലെ ടി നരസിപുരയിലാണ് സംഭവം. ബെല്ലാരി സംഗനക്കല്‍ സ്വദേശികളാണ് മരിച്ചത്. ഇന്നോവ കാറും സ്വകാര്യ ബസും കൂട്ടിയിടിച്ചാണ് അപകടമുണ്ടായത്.

മൈസൂരുവില്‍ വിനോദയാത്രയ്ക്കാണ് ഇവരെത്തിയത്. 13 പേരാണ് ടൊയോട്ട ഇന്നോവയിലുണ്ടായിരുന്നത്. ഇതില്‍ പത്ത് പേരും മരിച്ചു. മൂന്ന് പേര്‍ ആശുപത്രിയിലാണ്. ചാമുണ്ഡി ഹില്‍സില്‍ പോയി തിരികെ റെയില്‍വേ സ്റ്റേഷനിലേക്ക് പോവുകയായിരുന്നു ഇവര്‍. ഇതിനിടെയാണ് അപകടമുണ്ടായത്.