അബുദാബി: യുഎഇയിൽ ഇന്ധന വിലയിൽ മാറ്റം. ജൂൺ മാസത്തെ പുതിയ പെട്രോൾ വില ഈ ആഴ്ച യുഎഇ പ്രഖ്യാപിക്കും. ഏപ്രിലിലെ ഇടിവിന് ശേഷം മെയ് മാസത്തിൽ രാജ്യത്തുടനീളം പെട്രോൾ വില ഉയർന്നു. മാർച്ചിൽ വർദ്ധനവ് ഉണ്ടായതിന് ശേഷമാണ് ഏപ്രിലിൽ ഇടിവ് ഉണ്ടായത്. 

ഈ വർഷം ജനുവരിയിലും ഫെബ്രുവരിയിലും തുടർച്ചയായി വില കുറഞ്ഞിരുന്നു. മെയ് മാസത്തിൽ സൂപ്പർ 95, സൂപ്പർ 98, ഇ-പ്ലസ് എന്നിവയുടെ വില കൂടിയിരുന്നു. എന്നാൽ ഡീസൽ വില കുറഞ്ഞു.

പെട്രോൾ വില ഈ വർഷത്തെ ഏറ്റവും ഉയർന്ന നിരക്കിലായിരുന്നു, മെയ് മാസത്തിൽ ഉണ്ടായിരുന്നത്. അതേസമയം ഡീസൽ ഏറ്റവും കുറഞ്ഞ വില രേഖപ്പെടുത്തി.

മെയ് 1 മുതൽ യുഎഇയിൽ ഈടാക്കിയിരുന്ന ഇന്ധന വില:

• സ്പെഷ്യൽ 95 - ഏപ്രിലിലെ 2.90 ദിർഹത്തിൽ നിന്ന് ലിറ്ററിന് 3.05 ദിർഹമായി ഉയർന്നു.
• സൂപ്പർ 98 - ഏപ്രിലിലെ 3.01 ദിർഹത്തിൽ നിന്ന് ലിറ്ററിന് 3.16 ദിർഹമായി ഉയർന്നു.
• ഇ-പ്ലസ് - ഏപ്രിലിലെ 2.82 ദിർഹത്തിൽ നിന്ന് ലിറ്ററിന് 2.97 ദിർഹമായി ഉയർന്നു.
• ഡീസൽ - ഏപ്രിലിലെ 3.03 ദിർഹത്തിൽ നിന്ന് ലിറ്ററിന് 2.91 ദിർഹമായി കുറഞ്ഞു.

യുഎഇയിൽ പെട്രോൾ വില വർധന

2020-ലെ കൊറോണ വൈറസ് പാൻഡെമിക് കാരണം ഇന്ധനവില കമ്മിറ്റി വിലകൾ മരവിപ്പിച്ചു. ആഗോളതലത്തിൽ എണ്ണവില ഉയരുന്നതിനനുസരിച്ച് 2021 മാർച്ചിൽ നിയന്ത്രണങ്ങൾ പിന്നീട് നീക്കം ചെയ്തു. മാത്രമല്ല, ലോകമെമ്പാടുമുള്ള അസംസ്‌കൃത എണ്ണയുടെ വിലവർദ്ധനവും പെട്രോൾ വിലയെ ബാധിക്കുന്നു.