ഹജ്ജ് സീസണ്‍ തൊഴിലുകള്‍ക്കായി അപേക്ഷിക്കാം

റിയാദ്: മക്കയിലും പുണ്യസ്ഥലങ്ങളിലുമായി ഈ വര്‍ഷത്തെ ഹജ്ജ് സീസണ്‍ ജോലികള്‍ക്ക് സ്വദേശികള്‍ക്കും വിദേശികള്‍ക്കും വ്യവസ്ഥാപിതമായി അപേക്ഷിക്കാമെന്ന് സഊദി മാനവശേഷി തൊഴില്‍ മന്ത്രാലയം അറിയിച്ചു. ജോലിചെയ്യാന്‍ താല്‍പര്യമുള്ളവര്‍ തങ്ങളുടെ സി.വികള്‍ മാനവ ശേഷി വകുപ്പിനു കീഴിലുള്ള അജീര്‍ പോര്‍ട്ടലില്‍ രജിസ്റ്റര്‍ ചെയ്ത് അപ് ലോഡ് ചെയ്തിരിക്കണം.

വിവിധ മേഖലകളില്‍ പ്രവര്‍ത്തിക്കുന്ന കമ്പനികള്‍ക്കും വ്യക്തികള്‍ക്കും ഹജ്ജ് സീസണുകളില്‍ ആവശ്യമായ സര്‍വ്വീസുകള്‍ ലഭ്യമാക്കുകയെന്നതും നിയമ ലംഘകരും മറ്റും സീസണ്‍ ദുരുപയോഗം ചെയ്യാതിരിക്കുകയും ചെയ്യുന്നതിനു വേണ്ടിയാണ് അജീര്‍ പോര്‍ട്ടല്‍ വഴി നിയമപരമായി താല്‍ക്കാലിക ജോലികള്‍ക്ക് അവസരമൊരുക്കിയിരിക്കുന്നത്. ഹജ്ജ് സര്‍വ്വീസ് മേഖലകളില്‍ പ്രവര്‍ത്തിക്കുന്ന സ്ഥാപനങ്ങള്‍ക്കും കമ്പനികള്‍ക്കും സീസണുകളില്‍ ആവശ്യമായി വരുന്ന ജോലിക്കാരെ ആഭ്യന്തരമായി കണ്ടെത്തി ഉപയോഗപ്പെടുത്താന്‍ അജീര്‍ വഴി സാധിക്കും.

www.ajeer.com.sa