തിരുവനന്തപുരം: നടി ആക്രമിക്കപ്പെട്ട കേസിലെ വെളിപ്പെടുത്തലുകളുടെ പശ്ചാത്തലത്തില്‍ മുന്‍ ഡിജിപി ആര്‍. ശ്രീലേഖയെ ക്രൈം ബ്രാഞ്ച് ചോദ്യം ചെയ്തേക്കും. പ്രോസിക്യൂഷന്‍ ഇതു സംബന്ധിച്ച് നിയമോപദേശം തേടി. കോടതി അനുമതിയോടെ ഇവരുടെ മൊഴി രേഖപ്പെടുത്താനാണ് അന്വേഷണസംഘത്തിന്റെ നീക്കം.

നടിയെ ആക്രമിച്ച കേസില്‍ ദിലീപിനെതിരേ തെളിവില്ലെന്നായിരുന്നു മുന്‍ ഡി.ജി.പി. ആര്‍. ശ്രീലേഖയുടെ വെളിപ്പെടുത്തല്‍.

എന്നാല്‍ കൂടുതല്‍ പ്രതികരിക്കാനില്ലെന്ന് ശ്രീലേഖ വ്യക്തമാക്കി. പറയാനുള്ളതെല്ലാം യൂട്യൂബ് ചാനലില്‍ പറഞ്ഞിട്ടുണ്ട്. വിമര്‍ശനങ്ങള്‍ പ്രതീക്ഷിച്ചതാണ്. പ്രതിഭാഗം സാക്ഷിയാക്കാമെന്നത് തെറ്റായ ധാരണയെന്നും ശ്രീലേഖ പറഞ്ഞു.