കേന്ദ്രീകൃത ഉദ്ഘാടനം ഇന്ന് മരവട്ടം ഗ്രേസ് വാലി ക്യാംപസിൽ വെച്ച് നടന്നു

കോഴിക്കോട്: സമസ്ത നാഷനല്‍ എജ്യുക്കേഷന്‍ കൗണ്‍സിലിന്റെ ശരീഅഃ, ഷീ, ലൈഫ്, ലാറ്ററല്‍ എന്‍ട്രി ക്ലാസുകളുടെ പഠനാരംഭം 'മുഖദ്ദിമ' കേന്ദ്രീകൃത ഉദ്ഘാടനം ഇന്ന് മലപ്പുറം മരവട്ടം ഗ്രേസ്‌വാലി ക്യാംപസില്‍ രാവിലെ പത്തിന് നടന്നു. സമസ്ത ട്രഷറര്‍ കൊയ്യോട് പി.പി ഉമര്‍ മുസ്‌ലിയാര്‍ സ്വാഗതം പറഞ്ഞു. സമസ്ത കേരള ജംഇയ്യത്തുല്‍ ഉലമ പ്രസിഡന്റ് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍ പഠനരാംഭം ഉദ്ഘാടനം ചെയ്തു.

എസ്.എന്‍.ഇ.സി ട്രഷറര്‍ പാണക്കാട് സയ്യിദ് സാദിഖലി ശിഹാബ് തങ്ങള്‍ അനുഗ്രഹ പ്രഭാഷണവും. സമസ്ത ജന.സെക്രട്ടറി പ്രൊഫ.കെ ആലിക്കുട്ടി മുസ്‌ലിയാര്‍ അധ്യക്ഷപ്രഭാഷണവും നടത്തി . എസ്.എന്‍.ഇ.സി അക്കാദമിക് കൗണ്‍സില്‍ ചെയര്‍മാന്‍ പി.എം അബ്ദുസ്സലാം ബാഖവി, കണ്‍വീനര്‍ ഡോ.ബശീര്‍ പനങ്ങാങ്ങര എന്നിവർ എസ്. എൻ. ഇ. സി സന്ദേശവും അക്കാദമിക് ഫ്രൈം അവതരണവും നടത്തി. എം.എൽ എ സയ്യിദ് ആബിദ് ഹുസൈൻ തങ്ങൾ ആശംസ ഭാഷണം നിർവ്വഹിച്ചു. വിദ്യാര്‍ഥികള്‍ക്കുള്ള ഉപഹാരം ഗ്രേസ് വാലി ജന.സെക്രട്ടറി അബ്ദുല്‍ ഖാദര്‍ ഹാജി നിര്‍വഹിച്ചു. സമസ്ത കേന്ദ്ര മുശാവറ അംഗങ്ങള്‍, പോഷകസംഘടന ഭാരവാഹികള്‍ സംബന്ധിച്ചു. സമസ്ത മാനേജര്‍ കെ. മോയിൻകുട്ടി മാസ്റ്റര്‍ നന്ദി പറഞ്ഞു.