ബെയ്ജിങ്: ചൊവ്വയില്‍ പര്യവേക്ഷണം നടത്തുന്ന ടിയാന്‍വെന്‍ 1 ല്‍ നിന്നുള്ള ആദ്യ വിഡിയോ ചൈന പുറത്തുവിട്ടു. പേടകത്തില്‍ നിന്നു പുറത്തിറങ്ങിയ സുറോങ് റോവറില്‍ ഘടിപ്പിച്ച കാമറകളാണ് ദൃശ്യങ്ങള്‍ പകര്‍ത്തിയത്. റോവറും ലാന്‍ഡറും ചൊവ്വയുടെ മണ്ണിലേക്ക് പാരച്യൂട്ട് വഴി ഇറക്കുന്ന ദൃശ്യങ്ങളും ഇതാദ്യമായി ചൈനീസ് ബഹിരാകാശ ഏജന്‍സി പുറത്തുവിട്ടു.

മെയ് മാസത്തിലാണ് ചൈനയുടെ ടിയാന്‍വെന്‍ ചൊവ്വയിലിറങ്ങിയത്. ആറു ചക്രമുള്ള സുറോങ് റോവര്‍ ചൊവ്വയിലെ ഉട്ടോപ്യ പ്ലാനിഷ്യ എന്ന സ്ഥലത്താണ് പര്യവേക്ഷണം നടത്തുന്നത്. ഇതിനകം സുറോങ് 236 മീറ്റര്‍ ചൊവ്വയുടെ മണ്ണിലൂടെ സഞ്ചരിച്ചു. ഇന്നലെ വരെ 42 ചൊവ്വാ ദിനങ്ങള്‍ പിന്നിട്ടു. 24 മണിക്കൂറും 39 മിനുട്ടുമാണ് ഒരു ചൊവ്വാ ദിവസം .