ഹൈദരലി തങ്ങള്‍ ഇന്‍സൈറ്റ് അവാര്‍ഡ്

ദുബൈ:പരിമിതികള്‍ക്കിടയില്‍ നിന്നും സാമൂഹികമാറ്റത്തിനായി പ്രയത്‌നിച്ച കെ.വി റാബിയയ്ക്ക് കെ.എം.സി.സി പുരസ്‌കാരം.സാക്ഷരത പ്രവര്‍ത്തനത്തിലൂടെ സമൂഹത്തില്‍ മാറ്റങ്ങള്‍ സൃഷ്ടിച്ച റാബിയയ്ക്ക് അബൂദബി കെ.എം.സി.സി ഏര്‍പ്പെടുത്തിയ ഹൈദരലി ശിഹാബ് തങ്ങള്‍ ഇന്‍സൈറ്റ് അവാര്‍ഡ് ലഭിച്ചു. ഒരു ലക്ഷം രൂപയും പ്രശസ്തി പത്രവും അടങ്ങിയതാണ് പുരസ്‌കാരം.കടുത്ത പ്രതിസന്ധികള്‍ക്കിടയിലും നിശ്ചയദാര്‍ഢ്യവും ആത്മവിശ്വാസവും കൈമുതലാക്കി സമൂഹത്തിനുവേണ്ടി പ്രവര്‍ത്തിച്ച കെ.വി. റാബിയ വലിയ പ്രചോദനമാണെന്ന് അവാര്‍ഡ് കമ്മിറ്റി വിലയിരുത്തി. അടുത്ത ദിവസം റാബിയയുടെ തിരൂരങ്ങാടി വെള്ളിലക്കാട് വീട്ടില്‍ നടക്കുന്ന ചടങ്ങില്‍ അവാര്‍ഡ് സമ്മാനിക്കുമെന്ന് കെ.എം.സി.സി പ്രസിഡന്റ് ഷുക്കൂറലി കല്ലുങ്ങല്‍, ജനറല്‍ സെക്രട്ടറി അഡ്വ. മുഹമ്മദ് കുഞ്ഞി, ട്രഷറര്‍ പി.കെ. അഹമ്മദ് അറിയിച്ചു.