റെയില്‍വേ ട്രാക്കില്‍ ട്രാക്ടര്‍ കുടുങ്ങി; ട്രെയിന്‍ ഗതാഗതം തടസ്സപ്പെട്ടു

കാസര്‍കോട്: കാസര്‍കോട് റെയില്‍വേ ട്രാക്കില്‍ ട്രാക്ടര്‍ കുടുങ്ങി ട്രെയിന്‍ ഗതാഗതം തടസ്സപ്പെട്ടു.
ചിത്താരിയിലാണ് സംഭവം. പ്രദേശത്തെ ഗ്രാമപഞ്ചായത്തിന്റെ ഉടമസ്ഥതയിലുള്ള ട്രാക്ടറാണ് ട്രാക്കില്‍ കുടുങ്ങിയത്. ഇതോടെ ട്രെയിന്‍ ഗതാഗതം തടസ്സപ്പെട്ടു. ഷൊര്‍ണൂര്‍ ഭാഗത്തേക്കുള്ള ഗതാഗതമാണ് പൂര്‍ണമായും തടസ്സപ്പെട്ടത്.

സംഭവമറിഞ്ഞ് ആര്‍.പി. എഫും സാങ്കേതിക വിദഗ്ധരും സ്ഥലത്തെത്തി ട്രാക്ടര്‍ പുറത്തെത്തിക്കാനുള്ള ശ്രമങ്ങള്‍ നടത്തിവരികയാണ്. അതേ സമയം മംഗലാപുരം ഭാഗത്തേക്കുള്ള ട്രെയിന്‍ ഗതാഗതത്തിന് തടസ്സമില്ല.

അതേ സമയം ദീര്‍ഘനേരത്തെ ശ്രമത്തിനൊടുവില്‍ ട്രാക്ടര്‍ നീക്കി ഗതാഗതം പുനസ്ഥാപിച്ചിട്ടുണ്ട്.