മണ്ണാര്‍ക്കാട്: യുവതി ഭര്‍തൃ വീട്ടില്‍ തൂങ്ങി മരിച്ചതുമായ സംഭവത്തില്‍ ഭര്‍ത്താവിനെയും, ഭര്‍ത്യ മാതാവിനെയും പൊലിസ് അറസ്റ്റ് ചെയ്തു. കല്ലടിക്കോട് മാങ്കുറുശ്ശി വീട്ടില്‍ അമ്പിളി (25)യെ കഴിഞ്ഞ 14ന് വീടിനുളളില്‍ തൂങ്ങി മരിച്ച നിലയില്‍ കാണപ്പെട്ടത്. അസ്വാഭാവിക മരണത്തിന് കേസെടുത്ത പൊലിസ് അന്വേഷണം നടത്തിയതിനെ തുടര്‍ന്നാണ് പീഡനം മൂലമാണ് ആത്മാഹത്യ എന്ന നിഗമനത്തിലെത്തിയത്. സംഭവവുമായി ബന്ധപ്പെട്ട് അമ്പിളിയുടെ ഭര്‍ത്താവ് രതീഷ്, മാതാവ് സത്യഭാമ, പിതാവ് വാസുദേവന്‍ എന്നിവര്‍ക്കെതിരെയാണ് പീഡന കുറ്റത്തിന് കേസെടുത്തത്. ഭര്‍ത്യ പിതാവ് വാസുദേവനെ പിടികൂടാന്‍ കഴിഞ്ഞിട്ടില്ല. ഷൊര്‍ണൂര്‍ ഡിവൈ.എസ്.പി ആര്‍ സുനില്‍ കുമാറാണ് കേസ് അന്വേഷിക്കുന്നത്.