ആലപ്പുഴ: വിദ്യാഭ്യാസ വകുപ്പില്‍ ഹൈസ്‌ക്കൂള്‍ അസിസ്റ്റന്റ് ഇംഗ്ലീഷ് -കാറ്റഗറി നമ്പര്‍ 66412 തസ്തികയുടെ ചുരുക്കപ്പട്ടികയില്‍ ഉള്‍പ്പെട്ട ഉദ്യോഗാര്‍ഥികള്‍ക്കായി ഓഗസ്റ്റ് 30, 31 സെപ്റ്റംബര്‍ ഒന്ന് തീയതികളില്‍ ജില്ലാ പി.എസ്.സി ഓഫീസില്‍ ഒ.റ്റി.ആര്‍  വെരിഫിക്കേഷന്‍ നടത്തുന്നു. ഉദ്യോഗാര്‍ഥികള്‍ക്ക് എസ്.എം.എസ്. മുഖേനയും പ്രൊഫൈല്‍ വഴിയും അറിയിപ്പ് നല്‍കി. എസ്.എം.എസ്. വഴി അറിയിപ്പ് ലഭിച്ചിട്ടില്ലാത്തവര്‍ വെരിഫിക്കേഷന്‍ തീയതി, സമയം എന്നിവ അറിയുന്നതിനായി കമ്മിഷന്റെ വെബ്‌സൈറ്റിലുള്ള ഒ.റ്റി.ആര്‍. പ്രൊഫൈല്‍ പരിശോധിക്കുക. വിദ്യാഭ്യാസ യോഗ്യത, ജാതി, തിരിച്ചറിയല്‍ രേഖ, മെഡിക്കല്‍ സര്‍ട്ടിഫിക്കറ്റ് എന്നിവയുടെ സര്‍ട്ടിഫിക്കറ്റുകള്‍ വ്യക്തമായി വായിക്കാന്‍ കഴിയുന്ന രീതിയില്‍ സ്‌കാന്‍ ചെയ്ത് പ്രൊഫൈലില്‍ അപ്‌ലോഡ് ചെയ്യണം. ഉദ്യോഗാര്‍ഥികള്‍ അനുവദിച്ച തീയതിയിലും സമയത്തും അസല്‍ പ്രമാണങ്ങള്‍ സഹിതം ഒ.റ്റി.ആര്‍. വെരിഫിക്കേഷനായി ജില്ലാ പി.എസ്.സി. ഓഫീസില്‍ നേരിട്ട് ഹാജരാകണം.ഭിന്നശേഷിയുള്ള ഉദ്യോഗാര്‍ഥികള്‍ മെഡിക്കല്‍ സര്‍ട്ടിഫിക്കറ്റും അപ്‌ലോഡ് ചെയ്യണം.