ദുബൈ: യു.എ.ഇയില്‍ പൊടിക്കാറ്റും മഴയും.ചിലയിടങ്ങളില്‍ ശനിയാഴ്ച ശക്തമായ പൊടിക്കാറ്റ് അനുഭവപ്പെട്ടു. മറ്റു ചിലയിടങ്ങളില്‍ മഴയും ലഭിച്ചു. ദുബൈയിലും ഷാര്‍ജയിലും അജ്മാനിലും പൊടിക്കാറ്റ് ശക്തമായിരുന്നു. റാസല്‍ ഖൈമയിലും ഉമ്മുല്‍ഖുവൈനിലും സാമാന്യം ശക്തമായ മഴ ലഭിച്ചു. ദുബൈയില്‍ എമിറേറ്റ്‌സ് റോഡ്, എക്‌സ്‌പോ ഡിസ്ട്രിക്റ്റ് തുടങ്ങിയവിടങ്ങളിലാണ് മഴ ലഭിച്ചത്. കാഴ്ചക്ക് പ്രയാസം സൃഷ്ടിക്കുന്ന രീതിയിലായിരുന്നു പലയിടത്തും പൊടിക്കാറ്റ് വീശിയത്.വരും ദിവസങ്ങളിലും മഴക്ക് സാധ്യതയുണ്ടെന്ന് കാലാവസ്ഥാ നിരീക്ഷണ കേന്ദ്രം അറിയിച്ചു.