ദുബൈ:അബൂദബിയില്‍ ആരംഭിച്ച ഈന്തപ്പഴ ഉത്സവം ശ്രദ്ധേയമാവുന്നു. അബൂദബി അല്‍ ദഫ്ര മേഖലയിലാണ് ലിവ ഈന്തപ്പഴോത്സവം കഴിഞ്ഞ ദിവസം തുടങ്ങിയത്.ഉത്സവം കാണാന്‍ സന്ദര്‍ശകരുടെ ഒഴുക്കാണിപ്പോള്‍. 18ാമത് ഈന്തപ്പഴോത്സവമാണ് നടക്കുന്നത്. വിജയികളാകുന്ന കര്‍ഷകരെ കാത്തിരിക്കുന്നത് 83 ലക്ഷം ദിര്‍ഹത്തിന്റെ സമ്മാനങ്ങളാണ്. കാര്‍ഷികോത്പന്ന വിപണിയെ പ്രോത്സാഹിപ്പിക്കുന്ന ലിവ മഹോത്സവം 24ന് സമാപിക്കും. പ്രാദേശിക സംസ്‌കാരവും പൈതൃകവും പ്രകടമാക്കുന്ന നിരവധി പരിപാടികളും ഇതോടൊപ്പം അരങ്ങേറുന്നുണ്ട്.