ദുബൈ: ദുബൈയില്‍ മെട്രോ യാത്രയ്ക്കുള്‍പ്പെടെ ആര്‍.ടി.എ സേവനങ്ങള്‍ക്കായി ഉപയോഗിക്കുന്ന നോള്‍ കാര്‍ഡ് ചാര്‍ജ് ചെയ്യാന്‍ ഇനി വരി നില്‍ക്കേണ്ട.ആപ്പിലൂടെ കാര്‍ഡ് റീചാര്‍ജ് ചെയ്യാനുള്ള സംവിധാനം ഒരുങ്ങി.മെട്രോയോ ബസോ ട്രാമോ വാട്ടര്‍ ടാക്സിയോ കാര്‍ഡില്‍ പണമില്ലാത്തതിനാല്‍ ഇനി മിസ്സാവില്ല. ആര്‍.ടി.എയുടെ നോള്‍ പേ ആപ്പിലൂടെ കാര്‍ഡുകള്‍ ടോപ്പ് അപ്പ് ചെയ്യാനുള്ള സൗകര്യമാണ് ഒരുക്കിയിട്ടുള്ളത്.
നോള്‍ പേ ആപ്പ് വഴി നോള്‍ കാര്‍ഡ് ടോപ്പ് അപ്പ് ചെയ്യാന്‍ എളുപ്പമാണ്. കാര്‍ഡിലേക്ക് ഒരു നോള്‍ പെര്‍മിറ്റ് ചേര്‍ത്തതിന് ശേഷം കാര്‍ഡ് റീചാര്‍ജ് ചെയ്യാനും ബാലന്‍സ് തുക പരിശോധിക്കാനും ഇടപാടുകളും കാര്‍ഡിന്റെ കാലാവധിയുമെല്ലാം മൊബൈലിലൂടെ തന്നെ പരിശോധിക്കാനും സാധിക്കും. ആപ്പ് സ്റ്റോറിലും ഗൂഗിള്‍ പ്ലേ സ്റ്റോറിലും ഹുവായ് ആപ്പ് ഗാലറിയിലും നോള്‍ പേ ആപ്പ് ലഭ്യമാണ്.