റിയാദ്: ഗൾഫ് സഹകരണ കൗൺസിൽ രാജ്യങ്ങൾ, ജോർദാൻ, ഈജിപ്ത്, ഇറാഖ്, യുണൈറ്റഡ് സ്റ്റേറ്റ്സ് ഓഫ് അമേരിക്ക എന്നിവയുടെ പങ്കാളിത്തത്തോടെ സഊദി അറേബ്യ ആതിഥേയത്വം വഹിച്ച ജിദ്ദാ സുരക്ഷാ വികസന ഉച്ചകോടിയുടെ തീരുമാനങ്ങളെ മുസ്‌ലിം വേൾഡ് ലീഗ് (എംഡബ്ല്യുഎൽ) സ്വാഗതം ചെയ്തു.

എം.ഡബ്ല്യു.എൽ സെക്രട്ടറി ജനറലും അസോസിയേഷൻ ഓഫ് മുസ്‌ലിം പണ്ഡിതന്മാരുടെ ചെയർമാനുമായ ശൈഖ് ഡോ. മുഹമ്മദ് ബിൻ അബ്ദുൾകരീം അൽ-ഇസ, മേഖലയിൽ സമാധാനവും സമൃദ്ധിയും പ്രോത്സാഹിപ്പിക്കുന്നതിൽ പങ്കാളിത്തത്തിൽ ഊന്നൽ നൽകിയ ഉച്ചകോടിയുടെ തീരുമാനനങ്ങളെ പ്രശംസിച്ചു. സൽമാൻ രാജാവിന്റെയും കിരീടാവകാശിയുടെയും വിവേകപൂർണ്ണമായ ശ്രമങ്ങളെ അഭിനന്ദിച്ചുകൊണ്ട്, സുരക്ഷയ്ക്കും വികസനത്തിനുമുള്ള ജിദ്ദ ഉച്ചകോടി വിജയിച്ചതിന് ഡോ. അൽ-ഇസ സൗദി അറേബ്യയെ അഭിനന്ദിച്ചു.

ഈ മഹത്തായ വിജയം പ്രാദേശിക, അന്തർദേശീയ രംഗങ്ങളിൽ സഊദി അറേബ്യയുടെ പദവിയും മേഖലയിലും ലോകത്തും സമാധാനവും സമൃദ്ധിയും കൈവരിക്കുന്നതിൽ അതിന്റെ അർഹമായ നേതൃപരമായ പങ്കിനെ വീണ്ടും സ്ഥിരീകരിക്കുന്നുവെന്നും അദ്ദേഹം ഊന്നിപ്പറഞ്ഞു.