ഇന്ത്യയിലേക്ക് അനധികൃതമായി സ്വർണം കടത്തുന്നതിൽ മുൻപിൽ മ്യാന്മർ; കഴിഞ്ഞ വർഷം പിടിച്ചത് 800 കിലോയിലധികം സ്വർണം

നെ​ടു​മ്പാ​ശ്ശേ​രി: അനധികൃതമായി ഓരോ വർഷവും ഇന്ത്യയിലേക്ക് കടത്തുന്നത് കോടികളുടെ സ്വർണമാണ്. ഇത്തരത്തിൽ ഏറ്റവും കൂടുതൽ സ്വർണം അ​ന​ധി​കൃ​ത​മാ​യി രാജ്യത്തേക്ക് എത്തുന്നത് മ്യാന്മറിൽ നിന്നെന്ന് റിപ്പോർട്ട്. ഡ​യ​റ​ക്ട​ർ ഓ​ഫ് റവന്യൂ ഇ​ന്റ​ലി​ജ​ൻ​സ് (ഡിആർഐ) റിപ്പോർട്ട് പ്രകാരമാണ് രാജ്യത്തേക്ക് സ്വർണം കടത്തുന്നതിൽ മ്യാന്മർ ഒന്നാം സ്ഥാനത്ത് എത്തിയത്. ഗ​ൾ​ഫ് രാ​ഷ്ട്ര​ങ്ങ​ൾ​ക്കു പു​റ​മെ ബം​ഗ്ലാ​ദേ​ശി​ൽ​നി​ന്നും ഇന്ത്യയിലേക്ക് സ്വർണം ഒഴുകുന്നതായി 2021-22 സാ​മ്പ​ത്തി​ക വ​ർ​ഷ​ത്തെ അ​വ​ലോ​ക​ന റി​പ്പോ​ർ​ട്ടി​ൽ വെ​ളി​പ്പെ​ടു​ത്തു​ന്നു.

2021-22 സാ​മ്പ​ത്തി​ക വ​ർ​ഷ​ത്തി​ൽ ഡിആർഐ മാ​ത്രം 833.7 കി​ലോ സ്വർണം പിടികൂടിയിട്ടുണ്ട്. ഈ സ്വർണത്തിന് 405.35 കോ​ടി രൂ​പ വിലവരും. 160 കേ​സാ​ണ് ര​ജി​സ്‌​റ്റ​ർ ചെ​യ്ത​ത്. രഹസ്യവിവരങ്ങളുടെ അടിസ്ഥാനത്തിലാണ് മിക്ക സ്വർണക്കടത്തും പിടികൂടുന്നത്. ര​ഹ​സ്യ​വി​വ​രം ന​ൽ​കു​ന്ന​വ​ർ​ക്ക് പി​ടി​ച്ചെ​ടു​ക്കു​ന്ന സ്വ​ർ​ണ​ത്തി​ന്റെ മൂ​ല്യ​ത്തി​ന്റെ 20 ശ​ത​മാ​നം പ്ര​തി​ഫ​ല​മാ​യി ന​ൽ​കും. അ​തു​കൊ​ണ്ടു​ത​ന്നെ ഇ​ട​നി​ല​ക്കാ​രി​ൽ ചി​ല​രും ഡിആർഐക്ക് വി​വ​രം ചോർത്തിനൽകാറുണ്ട്.

അതേസമയം. സ്വ​ർ​ണ​ക്ക​ട​ത്ത് സൂ​ക്ഷ്മ​മാ​യി നടത്തുന്ന നിരവധി പ്ര​ഫ​ഷണൽ സംഘങ്ങളും സജീവമാണ്. സ്വ​ർ​ണ​ത്തി​ലേ​റെ​യും മെ​ഷി​ന​റി പാ​ർ​ട്ട്​​സെ​ന്ന രീ​തി​യി​ലും വിവിധ രൂപങ്ങളിലുമാക്കിയാണ് കടത്തുന്നത്. വി​ദേ​ശി​ക​ളെ​യും സ്വ​ർ​ണ​ക്ക​ട​ത്തി​ന്​ ഉ​പ​യോ​ഗ​പ്പെ​ടു​ത്തു​ന്നു​ണ്ട്. വിമാനത്താവളങ്ങൾക്ക് പുറമെ സമുദ്രമാർഗം വഴിയും സ്വർണം കടത്തുന്നുണ്ട്. ശ്രീ​ല​ങ്ക​യി​ൽ​നി​ന്നും ത​മി​ഴ്നാ​ട് വ​ഴി​യാ​ണ് എത്തുന്നതെന്ന്​ തീ​ര​സം​ര​ക്ഷ​ണ സേ​ന​യു​ടെ ഇ​ന്‍റ​ലി​ജ​ൻ​സ് വി​ഭാ​ഗം ക​ണ്ടെ​ത്തി​യി​ട്ടു​ണ്ട്.