ദുബൈ സുന്നി സെന്റര്‍ ടീനേജ് ക്ലാസ് സംഘടിപ്പിച്ചു

ദുബൈ: ദുബൈ സുന്നി സെന്റര്‍ പൂര്‍വ്വ വിദ്യാര്‍ത്ഥി സംഗമവും ടീനേജ് ക്ലാസ് ഉദ്ഘാടനവും സംഘടിപ്പിച്ചു. അനുദിനം വളര്‍ച്ച പ്രാപിക്കുന്ന ആധുനിക യുഗത്തില്‍ ധാര്‍മിക മൂല്യമുള്ള തലമുറയെ വളര്‍ത്തെടുക്കുക എന്ന ലക്ഷ്യത്തോടുകൂടിയാണ് സുന്നി സെന്റര്‍ ടീനേജ് ക്‌ളാസ് സംഘടിപ്പിച്ചത്. എല്ലാവെള്ളിയാഴ്ചകളിലും ക്‌ളാസ് നടക്കുമെന്ന് ഭാരവാഹികള്‍ അറിയിച്ചു.

ഇബ്രാഹിം ഫൈസി പെരുമാളബാദ് അധ്യക്ഷത വഹിച്ചു. അബ്ദുല്‍ ജലീല്‍ ദാരിമി ഉദ്ഘാടനം ചെയ്തു. അസ്ഗറലി ഹുദവി ക്ലാസിന് നേതൃത്വം നല്‍കി. സക്കീര്‍ ഹുസൈന്‍ തങ്ങള്‍, അബ്ദുല്‍ ജലീല്‍ ഹാജി ഒറ്റപ്പാലം, ബഷീര്‍ മൗലവി ഒമാനൂര്‍, എം.എ സലാം റഹ്മാനി, ഖാദര്‍ ഫൈസി, മുഹമ്മദ് അര്‍ഷദ് പുത്തലത്ത് സംസാരിച്ചു.