പത്തനംതിട്ടയില്‍ നിരവധിപേരെ കടിച്ച നായക്ക്പേ വിഷബാധ; നായയെ തല്ലിക്കൊന്നു

പത്തനംതിട്ട: പത്തനംതിട്ടയില്‍ നിരവധിപേരെ കടിച്ച നായക്ക് പേ വിഷബാധ. അഞ്ച് പേരെയാണ് ഈ നായ കടിച്ചത്. നായക്ക് പേവിഷബാധ സ്ഥിരീകരിച്ചു. പത്തനംതിട്ട പെരുനാട്ടിലാണ് അഞ്ച് പേര്‍ക്ക് നായയുടെ കടിയേറ്റത്. നാട്ടുകാര്‍ തല്ലിക്കൊന്ന നായയെ പോസ്റ്റ്‌മോര്‍ട്ടം ചെയ്തപ്പോഴാണ് പേവിഷബാധ സ്ഥിരീകരിച്ചത്.

പരുക്കേറ്റവര്‍ക്കെല്ലാം മികച്ച ചികിത്സ ഉറപ്പാക്കിയിട്ടുണ്ട്.
കണ്ണൂരില്‍ അഞ്ചാം ക്ലാസ് വിദ്യാര്‍ഥിക്ക് നായയുടെ ആക്രമണത്തില്‍ പരുക്കേറ്റു. ചമ്പാട് സ്വദേശിയായ പത്തുവയസ്സുകാരന്‍ മുഹമ്മദ് റഫാന്‍ റഹീസിനാണ് പരിക്കേറ്റത്. കൈക്കും കാലിനും ആഴത്തില്‍ കടിയേറ്റു. റഫാനെ പരിയാരം മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു. അടുത്ത കാലത്തായി നിരവധി കുട്ടികളാണ് തെരുവുനായയുടെ ആക്രമണത്തിനിരയായത്.