കാമുകിയെ കൊന്ന് മൃതദേഹം വാട്ടര്‍ടാങ്കില്‍ ഒളിപ്പിച്ചു; യു.പിയില്‍ യുവാവ് അറസ്റ്റില്‍

പ്രയാഗ് രാജ്: ഉത്തര്‍പ്രദേശില്‍ കാമുകിയെ കൊന്ന് മൃതദേഹം വാട്ടര്‍ടാങ്കില്‍ ഒളിപ്പിച്ച യുവാവ് പിടിയില്‍. മഹേവ സ്വദേശിയായ അരവിന്ദിനെയാണ് പൊലിസ് അറസ്റ്റ് ചെയ്തത്. രാജ് കേസര്‍ (35) എന്ന യുവതിയാണ് കൊല്ലപ്പെട്ടത്.

രണ്ടാഴ്ച്ച മുന്‍പാണ് കേസറിനെ കൊലപ്പെടുത്തി നിര്‍മാണം നടക്കുന്ന തന്റെ വീടിന്റെ വാട്ടര്‍ടാങ്കില്‍ ഒളിപ്പിച്ചത്.

മെയ് 30 ന് മകളെ കാണാനില്ലെന്ന് കാണിച്ച് രാജ് കേസറിന്റെ മാതാപിതാക്കള്‍ പൊലിസില്‍ പരാതി നല്‍കിയിരുന്നു. കേസറിന്റെ ഫോണ്‍ റെക്കോര്‍ഡുകള്‍ പരിശോധിച്ചതിനെത്തുടര്‍ന്ന് അന്വേഷണം അരവിന്ദിലെത്തി. ഇയാളെ കസ്റ്റഡിയിലെടുത്ത് ചോദ്യം ചെയ്തതോടെയാണ് കൊലപാതകം പുറത്തറിഞ്ഞത്. വെള്ളിയാഴ്ച്ചയാണ് പ്രതിയുടെ വീട്ടിലെ ടാങ്കില്‍ നിന്ന് മൃതദേഹം പുറത്തെടുത്തത്.