കോഴിക്കോട് കൂടരഞ്ഞിയില്‍ വാഹനാപകടത്തില്‍ രണ്ട് മരണം

കോഴിക്കോട്: കോഴിക്കോട് കൂടരഞ്ഞിയില്‍ വാഹനപകടത്തില്‍ രണ്ട് മരണം. തോട്ടപ്പള്ളി സ്വദേശി ജിബിന്‍ സാബു, കാരശ്ശേരി പാറത്തോട് സ്വദേശി അമേസ് സെബാസ്റ്റ്യന്‍ എന്നിവരാണ് മരിച്ചത്. ശനിയാഴ്ച വൈകിട്ട് 5.45ഓടെയായിരുന്നു അപകടം. കൂടരഞ്ഞി മുക്കം റോഡില്‍ താഴെക്കൂടരഞ്ഞിയില്‍ വെച്ച് ബൈക്കും ഓട്ടോയും കൂട്ടിയിടിച്ചായിരുന്നു അപകടം. അപകടത്തില്‍പ്പെട്ടവരെ നാട്ടുകാരും പൊലീസും ചേര്‍ന്ന് ആശുപത്രിയില്‍ എത്തിച്ചെങ്കിലും രക്ഷിക്കാനായില്ല.