പ്ലസ് വൺ ട്ര​യ​ൽ അ​ലോ​ട്ട്​​മെ​ന്‍റ്​ ഇന്ന്

തി​രു​വ​ന​ന്ത​പു​രം: ഹ​യ​ർ​സെ​ക്ക​ൻ​ഡ​റി ഒ​ന്നാം വ​ർ​ഷ (പ്ലസ് വൺ) പ്ര​വേ​ശ​ന​ത്തി​നു​ള്ള ട്ര​യ​ൽ അ​ലോ​ട്ട്​​മെ​ന്‍റ്​ ഇന്ന് പ്ര​സി​ദ്ധീ​ക​രി​ക്കും. വൈ​കീ​ട്ട്​ നാ​ലി​ന്​ ആണ് ട്രയൽ അലോട്ട്മെന്റ് സൈറ്റുകളിൽ ലഭ്യമാവുക. വ്യാ​ഴാ​ഴ്ച വൈ​കീ​ട്ട്​ അ​ഞ്ചു​വ​രെ ട്ര​യ​ൽ അ​ലോ​ട്ട്​​മെ​ന്‍റ്​ പ​രി​ശോ​ധി​ക്കാം. തിരുത്തലുകൾ ആവശ്യമുള്ളവർക്കും വ്യാ​ഴാ​ഴ്ച വൈ​കീ​ട്ട്​ അ​ഞ്ചു​വ​രെ തിരുത്തലുകൾക്ക് സമയം ഉണ്ട്. ഓപ്‌ഷനുകളിൽ മാറ്റം വരുത്താനുള്ള അവസാന അവസരം ആയിരിക്കും ഇത്.

എങ്ങിനെ ട്ര​യ​ൽ അ​ലോ​ട്ട്​​മെ​ന്‍റ്​ പരിശോധിക്കാം

• അ​ഡ്​​മി​ഷ​ൻ ഗേ​റ്റ്​​വേ ആ​യ www.admission.dge.kerala.gov.in എ​ന്ന വെ​ബ്സൈ​റ്റി​ൽ പ്രവേശിക്കുക

• ‘Click for Higher Secondary Admission’ എ​ന്ന ലിങ്കിൽ ക്ലിക്ക് ചെയ്യുക. ഇത് ഹ​യ​ർ​സെ​ക്ക​ൻ​ഡ​റി അ​ഡ്​​മി​ഷ​ൻ വെ​ബ്​​സൈ​റ്റി​ലേക്ക് നിങ്ങളെ എത്തിക്കും.
• Candidate Login-SWS എന്ന ഓപ്‌ഷനിൽ ലോഗിൻ ചെയ്യുക.

• Trial Results എ​ന്ന ലി​ങ്കി​ലൂ​ടെ അ​പേ​ക്ഷ​ക​ർ​ക്ക്​ ട്ര​യ​ൽ അ​ലോ​ട്ട്​​മെ​ന്‍റ്​ ഫ​ലം പ​രി​ശോ​ധി​ക്കാം.

• തി​രു​ത്ത​ലു​ക​ൾ ആ​വ​ശ്യ​മാ​ണെ​ങ്കി​ൽ കാ​ൻ​ഡി​ഡേ​റ്റ്​ ലോ​ഗി​നി​ലെ Edit Application എ​ന്ന ലി​ങ്കി​ലൂ​ടെ ആ​വ​ശ്യ​മാ​യ തി​രു​ത്ത​ലു​ക​ൾ/ കൂട്ടിച്ചേർക്കലുകൾ നടത്താവുന്നതാണ്.

എഡിറ്റ് ചെയ്യുമ്പോൾ തെറ്റായ വിവരങ്ങൾ നൽകാതിരിക്കാൻ ശ്രദ്ധിക്കണം. തെറ്റായ വിവരം നൽകിയാൽ അ​ലോ​ട്ട്​​മെ​ന്‍റ്​ റ​ദ്ദാ​ക്കും. കൂടുതൽ വിവരങ്ങൾക്കും സഹായങ്ങൾക്കും സ​ർ​ക്കാ​ർ, എ​യ്​​ഡ​ഡ്​ ഹൈ​സ്കൂ​ൾ, ഹ​യ​ർ​സെ​ക്ക​ൻ​ഡ​റി സ്കൂ​ളു​ക​ളി​ലെ ഹെ​ൽ​പ്​ ഡെസ്കുകളെ സമീപിക്കാവുന്നതാണ്.