കള്ളപ്പണം വെളുപ്പിക്കൽ: 30 അംഗ സം​ഘ​ത്തി​ന്​ 96 വ​ർ​ഷം ത​ട​വും 320 ല​ക്ഷം ദി​ർ​ഹം പി​ഴ​യും ശി​ക്ഷ

ദുബായ്: കള്ളപ്പണം വെളുപ്പിച്ചതിനും ഓൺലൈനിലൂടെ 32 ദശലക്ഷം ദിർഹം തട്ടിയെടുത്തതിനും 30 അംഗ സംഘവും ഏഴ് കമ്പനികളും കുറ്റക്കാരെന്ന് ദുബായിലെ ക​ള്ള​പ്പ​ണം വെ​ളു​പ്പി​ക്ക​ലി​നെ​തി​രാ​യ കേ​സു​ക​ൾ കൈ​കാ​ര്യം ചെ​യ്യു​ന്ന കോ​ട​തി. 30 അംഗ സം​ഘ​ത്തി​ന്​ 96 വ​ർ​ഷം ത​ട​വും 320 ല​ക്ഷം ദി​ർ​ഹം പി​ഴ​യും ശി​ക്ഷ വിധിച്ചു. ത​ട്ടി​പ്പി​ന്​ കൂ​ട്ടു​നി​ന്ന ഏ​ഴ്​ സ്ഥാ​പ​ന​ങ്ങ​ളി​ൽ​ നി​ന്നാ​യി​ ഏ​ഴു ല​ക്ഷം ദി​ർ​ഹം പി​ഴ ഈ​ടാ​ക്കാ​നും കോ​ട​തി ഉ​ത്ത​ര​വി​ട്ടു. ശിക്ഷാ കാലാവധിക്കുശേഷം ഇവരെ രാജ്യത്തുനിന്ന് നാടുകടത്തും.

പി​ഴ അ​ട​ക്കാ​നാ​യി​ല്ലെ​ങ്കി​ൽ പ്ര​തി​ക​ളു​ടെ ആ​സ്തി​ക​ളും പ​ണ​വും കോ​ട​തി ക​ണ്ടു​കെ​ട്ടും. കുറ്റകൃത്യത്തിന് ഉപയോഗിച്ച കംപ്യൂട്ടറുകളും ഫോണുകളും കണ്ടുകെട്ടാനും കോടതി ഉത്തരവിട്ടു. 30 അംഗ സം​ഘം ഓ​ൺ​ലൈ​ൻ ത​ട്ടി​പ്പി​ലൂ​ടെ 32 ദ​ശ​ല​ക്ഷം രൂ​പ​യു​ടെ ത​ട്ടി​പ്പ്​ ന​ട​ത്തി​യ​താ​യി ദുബായ് പ​ബ്ലി​ക്​ പ്രോ​സി​ക്യൂ​ഷ​ൻ നേ​ര​ത്തേ ക​ണ്ടെ​ത്തി​യി​രു​ന്നു. തു​ട​ർ​ന്ന് കേ​സ്​ ക​ള്ള​പ്പ​ണം വെ​ളു​പ്പി​ക്ക​ലി​നെ​തി​രാ​യ കോ​ട​തി​ക്ക്​ കൈ​മാ​റു​ക​യാ​യി​രു​ന്നു.

ഇ​ര​ക​ളോ​ട്​ പ​ണം അ​യ​ക്കാ​ൻ ആ​വ​ശ്യ​പ്പെ​ട്ട്​ 118,000 'ഫിഷിങ് ഇ–മെയിലു'കളാ​ണ്​​ ത​ട്ടി​പ്പ് സംഘം അയച്ചത്. ഇ​ര​ക​ൾ​ക്ക്​ ബി​സി​ന​സ് ബ​ന്ധ​മു​ള്ള ബാ​ങ്കു​ക​ളു​ടെ​യും ധ​ന​കാ​ര്യ സ്ഥാ​പ​ന​ങ്ങ​ളു​ടെ​യും പേ​രി​ലാ​യി​രു​ന്നു വ്യാ​ജ ഇ-​മെ​യി​ലു​ക​ൾ​ അ​യ​ച്ചി​രു​ന്ന​തെ​ന്ന്​ മു​തി​ർ​ന്ന അ​ഡ്വ​ക്ക​റ്റ് ജ​ന​റ​ലും പ​ബ്ലി​ക് ഫ​ണ്ട് പ്രോ​സി​ക്യൂ​ഷ​ൻ മേ​ധാ​വി​യു​മാ​യ കൗ​ൺ​സി​ല​ർ ഇ​സ്മാ​യി​ൽ മ​ദ​നി പ​റ​ഞ്ഞു.

ഇത്തരത്തിൽ വന്ന പണം പ്രതികൾ എടുക്കുകയോ മറ്റ് അക്കൗണ്ടുകളിലേക്ക് മാറ്റുകയോ ചെയ്തിട്ടുണ്ട്. ചില പ്രതികൾ പണം വന്നതിന്റെ അനധികൃത ഉറവിടം മറയ്ക്കാൻ സെക്കൻഡ് ഹാൻഡ് കാറുകൾ വാങ്ങിയതായും ഉദ്യോഗസ്ഥർ പറഞ്ഞു.

കള്ളപ്പണം വെളുപ്പിക്കൽ, ഓൺലൈൻ കുറ്റകൃത്യങ്ങൾ, ദേശീയ സമ്പദ്‌വ്യവസ്ഥയെ ദോഷകരമായി ബാധിച്ചേക്കാവുന്ന തട്ടിപ്പുകൾ എന്നിവയ്‌ക്കെതിരെ പോരാടുന്നതിന് യുഎഇ അധികാരികൾ പൂർണമായും പ്രതിജ്ഞാബദ്ധരാണെന്ന് ഇസ്മായിൽ മദനി പറഞ്ഞു