ഇന്ത്യന്‍ മാര്‍ക്കറ്റില്‍ വന്‍ തോതിലുളള മുന്നേറ്റമാണ് ഇലക്ട്രിക്ക് സ്‌കൂട്ടറുകളും, കാറുകളും നടത്തിക്കൊണ്ടിരിക്കുന്നത്.ഇ.വി വാഹനങ്ങള്‍ തീര്‍ക്കുന്ന ഈ ജൈത്രയാത്രക്ക് മുന്‍പില്‍ പിടിച്ചു നില്‍ക്കുന്നതിനായി പല പെട്രൊള്‍,ഡീസല്‍ വാഹനനിര്‍മാതാക്കളും ഇപ്പോള്‍ ഇലക്ട്രിക്ക് വാഹന നിര്‍മാണരംഗത്തേക്ക് കടന്നിട്ടുണ്ട്.ഇന്ത്യയിലെ ഇ.വി വാഹനങ്ങളുടെ മാര്‍ക്കറ്റിലേക്ക് നിരവധി പുതുമകളുമായിട്ടാണ് മാറ്റര്‍ ഏറ അവതരിപ്പിക്കപ്പെട്ടത്. 2023ലെ ഓട്ടോ എക്‌സ്‌പോയില്‍ ഗിയറുളള ആദ്യ ഇ-ബൈക്ക് എന്ന നിലയിലാണ് ഈ വാഹനം ആദ്യം അവതരിപ്പിക്കപ്പെട്ടത്. എന്നാല്‍ ഗുജറാത്ത് ആസ്ഥാനമായുളള സ്റ്റാര്‍ട്ട് അപ്പ് കമ്പനിയായ മാറ്ററിന്റെ ഈ പരീക്ഷണം വിജയം വരിച്ചിരിക്കുന്നു എന്നുളള റിപ്പോര്‍ട്ടുകളാണിപ്പോള്‍ പുറത്ത് വരുന്നത്. ബുക്കിങ് ആരംഭിച്ച് ഒരു മാസം പിന്നിടുന്നതിന് മുന്‍പേ തന്നെ 40,000ത്തിന് മുകളില്‍ ബുക്കിങ്ങുകളാണ് വാഹനത്തിന് ലഭിച്ചതെന്നാണ് കമ്പനിയുടെ അവകാശവാദം.

ഫ്ലിപ്പ്കാർട്ടിലും , കമ്പനിയുടെ ഔദ്യോഗിക വെബ്‌െൈസറ്റ് വഴിയുമാണ് വാഹനം ബുക്ക് ചെയ്യാന്‍ സാധിക്കുന്നത്. നാല് മോഡലുകളിലാണ് ഏറ പുറത്തിറങ്ങുന്നത്. 4000,5000,5000+,6000+ എന്നിവയാണ് പ്രസ്തുത മോഡലുകള്‍.1,43,999 രൂപ മുതലാണ് വാഹനത്തിന്റെ വില ആരംഭിക്കുന്നത്.ലിക്വിഡ് കൂള്‍ഡ് മോട്ടോര്‍, മാനുവല്‍ ഗിയര്‍ബോക്‌സ്, ലിക്വിഡ് കൂള്‍ഡ് ബാറ്ററി പായ്ക്ക്, ത്രീപിന്‍ 5 അാു ചാര്‍ജര്‍, ഡബിള്‍ ക്രാഡില്‍ ഷാസി, കണക്റ്റഡ്, ഇന്റലിജന്റ് ടെക്‌നോളജികള്‍ എന്നിങ്ങനെ മികച്ച ഫീച്ചറുകളുളള ഏറക്ക് ആന്‍ഡ്രോയിഡ് അടിസ്ഥാനമാക്കിയുള്ള പ്രവര്‍ത്തിപ്പിക്കുന്ന 4ഏ കണക്റ്റിവിറ്റിയുള്ള 7.0 ഇഞ്ച് ഫുള്‍ഡിജിറ്റല്‍ എല്‍സിഡി ഡിസ്‌പ്ലേ, റിമോട്ട് ലോക്ക്/അണ്‍ലോക്ക്, ജിയോഫെന്‍സിംഗ്, ലൈവ് ലൊക്കേഷന്‍ ട്രാക്കിംഗ്, വെഹിക്കിള്‍ ഹെല്‍ത്ത് മോണിറ്ററിംഗ്, വിശദമായ റൈഡ് സ്റ്റാറ്റിസ്റ്റിക്‌സ്, രോക്‌സിമിറ്റി അധിഷ്ഠിത കീ ഫോബ്, പാസീവ് കീലെസ് എന്‍ട്രി സിസ്റ്റം എന്നീ സവിശേഷതകളുമുണ്ട്. ആറ് സെക്കന്റിനുളളില്‍ 60 കിലോമീറ്റര്‍ വേഗത കൈവരിക്കാന്‍ സാധിക്കുന്ന ഈ ബൈക്കിന് 10kw പവര്‍ ഔട്ട്പുട്ടാണുളളത്.

ഒറ്റത്തവണ ചാര്‍ജില്‍ 125 കിലോമീറ്റര്‍ റേഞ്ചാണ് കമ്പനി ഏറക്ക് അവകാശപ്പെടുന്നത്. എന്നാല്‍ മാറ്റര്‍ ഏറയുടെ 6000+ മോഡലിന് 150 കിലോമീറ്റര്‍ വരെ റേഞ്ച് ലഭിക്കും.ഫോര്‍ സ്പീഡ് ഗിയര്‍ ബോക്‌സാണ് ഏറക്കുളളത്. മൂന്ന് വര്‍ഷത്തേക്ക് അണ്‍ലിമിറ്റഡ് കിലോമീറ്റര്‍ വാറന്റി വാഹനത്തിന് വാഗ്ധാനം ചെയ്യപ്പെടുന്നുണ്ട്.

Content Highlights:matter aera electric motorcycle received 40000 bookings before launch