വേനല്‍ക്കാല ജോലി നിയന്ത്രണം ഡെലിവറി തൊഴിലാളികള്‍ക്കും ബാധകം

ചുട്ടുപൊള്ളുന്ന വേനലില്‍ ജോലി നിയന്ത്രണം ഏര്‍പ്പെടുത്തി കുവൈത്ത്.
വേനല്‍ക്കാലത്ത് നിര്‍ദ്ദിഷ്ട മണിക്കൂറിനുള്ളില്‍ സൂര്യന്റെ നേരിട്ടുള്ള ചൂടില്‍ ജോലി ചെയ്യുന്നതിനുള്ള നിരോധനം ഡെലിവറി തൊഴിലാളികള്‍ക്കും ബാധകമാണെന്ന് പബ്ലിക് അതോറിറ്റി ഫോര്‍ മാന്‍പവര്‍ (പിഎഎം) വ്യക്തമാക്കി.

ഈ തൊഴിലാളികള്‍ ഹെല്‍മറ്റ് ധരിക്കേണ്ടതിന്റെ ആവശ്യകത ഉള്‍പ്പെടെയുള്ള മോട്ടോര്‍ സൈക്കിള്‍ ഓടിക്കുന്നതിനുള്ള നിര്‍ദ്ദിഷ്ട വസ്ത്രങ്ങളും പാലിക്കണം. വേനല്‍ക്കാലത്ത് കടുത്ത ചൂട് കാരണം ഡെലിവറി തൊഴിലാളികള്‍ നിശ്ചിത കാലയളവില്‍ പുറത്തിറങ്ങുന്നത് നല്ലതല്ല, ഉദ്യോഗസ്ഥര്‍ വ്യക്തമാക്കി.

ജൂണ്‍ മാസം മുതലാണ് ഉച്ച ജോലികള്‍ക്ക് വിലക്കേര്‍പ്പെടുത്തിയത്.
ജോലി സമയം കുറക്കുകയല്ല, ചൂട് കാലത്ത് തൊഴിലാളികളുടെ സുരക്ഷ ഉറപ്പാക്കുക എന്നതാണ് ഉച്ച ജോലി വിലക്ക് കൊണ്ട് ഉദ്ദേശിക്കുന്നത്. ഉച്ചക്ക് ജോലി സമയ നിരോധനം പാലിക്കേണ്ടതിന്റെ ആവശ്യ കതയെക്കുറിച്ച് അതോറിറ്റിയുടെ വെബ്‌സൈറ്റുകളിലൂടെ ബോധവത്ക്കരണ കാമ്പയിന്‍ നടക്കുന്നുണ്ടെന്നും അധികൃതര്‍ വ്യക്തമാക്കി.