കുവൈത്ത് സിറ്റി: മയക്കുമരുന്ന് കടത്തിയ അഞ്ച് പേരെ അറസ്റ്റ് ചെയ്യുകയും അര കിലോ മയക്കുമരുന്ന് രാസവസ്തുക്കൾ, 70 സൈക്കോട്രോപിക് ഗുളികകൾ എന്നിവ ഇവരിൽ നിന്ന് ക്രിമിനൽ സെക്യൂരിറ്റി വിഭാഗം പിടിച്ചെടുത്തതായും ആഭ്യന്തര മന്ത്രാലയം അറിയിച്ചു.

മയക്കുമരുന്നുകളുടെയും സൈക്കോട്രോപിക് വസ്തുക്കളുടെയും ഉപയോഗം ചെറുക്കുന്നതിനും മയക്കുമരുന്ന് ഉപയോഗിക്കുന്നവരെയും കള്ളക്കടത്തുകാരെയും അറസ്റ്റ് ചെയ്യുന്നതിനുമുള്ള ശ്രമങ്ങൾ തുടരുകയാണെന്ന് ആഭ്യന്തര മന്ത്രാലയത്തിലെ പബ്ലിക് റിലേഷൻസ് ആൻഡ് സെക്യൂരിറ്റി മീഡിയ വിഭാഗം അറിയിച്ചു. മയക്കുമരുന്ന് കടത്തുകയും ദുരുപയോഗം ചെയ്യുകയും ചെയ്തതായി അവർ സമ്മതിച്ചതായും, തുടർന്ന് അവർക്കെതിരെ കൂടുതൽ നിയമ നടപടികളും സ്വീകരിക്കുന്നതിനായി കോമ്പീറ്റന്റ് അതോറിറ്റിക്ക് റഫർ ചെയ്തതായി മന്ത്രാലയം അറിയിച്ചു.