തേഞ്ഞിപ്പാലം: എസ്.കെ.എസ്.ബി.വി സംസ്ഥാന കമ്മിറ്റി എറണാകുളം മുതല്‍ കന്യാകുമാരി വരെയുള്ള തെക്കന്‍ ജില്ലകളില്‍ നടത്തുന്ന സംഘടനാ ശാക്തീകരണ പരിപാടിയായ സതേണ്‍ റിഫ്രഷ്‌മെന്റിന്റെ ഭാഗമായി ഇന്ന് രാവിലെ 9.30 ന് ആലപ്പുഴ സി.എച്ച് മഹല്‍ ഹാളില്‍ തെക്കന്‍ മേഖലാ നേതൃശില്‍പശാല നടക്കും.

ശില്‍പശാല സമസ്ത കേരള ജംഇയ്യത്തുല്‍ ഉലമ ആലപ്പുഴ ജില്ലാ പ്രസിഡന്റ് സി. മുഹമ്മദ് അല്‍ഖാസിമി ഉദ്ഘാടനം ചെയ്യും.
പാണക്കാട് സയ്യിദ് മുയീന്‍ അലി ശിഹാബ് തങ്ങള്‍ അധ്യക്ഷത വഹിക്കും. എം.എ ചേളാരി, കെ.എച്ച്് സമദ് ദാരിമി എറണാകുളം, ഹാഷിം ബാഖവി ഇടുക്കി, ശിഹാബുദ്ധീന്‍ മുസ്‌ലിയാര്‍ ആലപ്പുഴ, കബീര്‍ ദാരിമി തിരുവനന്തപുരം, ഷഫീഖ് മണ്ണഞ്ചേരി, സൈനുദ്ദീന്‍ ഒളവട്ടൂര്‍, അഫ്‌സല്‍ രാമന്തളി, യാസര്‍ അറഫാത് ചെര്‍ക്കള, ആമീന്‍ വിഴിഞ്ഞം, ബാദുഷ കൊല്ലം തുടങ്ങിയവര്‍ സംബന്ധിക്കും.

ശാക്തീകരണ പരിപാടിയുടെ ഭാഗമായി ജില്ല, റെയ്ഞ്ച്, യൂനിറ്റ് എന്നിവയുടെ പുനഃസംഘടന, മേഖലയിലെ സംഘടനാ പ്രവര്‍ത്തനം തുടങ്ങിയവയ്ക്ക് അന്തിമ രൂപംനല്‍കും.