വിവാഹം കഴിഞ്ഞ് പതിനഞ്ചാം ദിവസം നവവധു ആത്മഹത്യ ചെയ്തു; സംഭവം തിരുവനന്തപുരത്ത്

തിരുവനന്തപുരം: നവവധുവിനെ ഭർത്താവിന്റെ വീട്ടിൽ മരിച്ച നിലയിൽ കണ്ടെത്തി. പന്നിയോട് തണ്ണിച്ചാൻകുഴി സ്വദേശി സോനയാണ് മരിച്ചത്. ഭർത്താവിന്റെ വീടിനുള്ളിൽ തൂങ്ങി മരിച്ച നിലയിലായിരുന്നു മൃതദേഹം കണ്ടെത്തിയത്. ഇന്നലെ രാത്രിയാണ് സംഭവം.

പതിനഞ്ച് ദിവസം മുമ്പായിരുന്നു സോനയുടെ വിവാഹം. മരണത്തിൽ ദുരൂഹത ആരോപിച്ച് സോനയുടെ കുടുംബം രംഗത്ത് വന്നു. മരണ വിവരം അറിയിച്ചത് സോനയുടെ ഭർത്താവിന്റെ വീട്ടുകാർ അല്ലെന്നും നാട്ടിലെ ഓട്ടോ ഡ്രൈവർമാർ ആണെന്നും സോനയുടെ ബന്ധുക്കൾ ആരോപിച്ചു. സംഭവത്തിൽ അസ്വാഭാവിക മരണത്തിന് കാട്ടാകട പൊലിസ് കേസ് എടുത്തു.