നിയമസഭ കൈയാങ്കളി കേസില്‍ സര്‍ക്കാരിന്തിരിച്ചടി; തുടരന്വേഷണം നടത്താമെന്ന് കോടതി

തിരുവനന്തപുരം: നിയമസഭ കൈയാങ്കളി കേസില്‍ തുടരന്വേഷണത്തിന് ഉപാധികളോടെ അനുമതി. രണ്ടു മാസത്തിനുള്ളില്‍ അന്വേഷണം പൂര്‍ത്തിയാക്കണമെന്ന് തിരുവനന്തപുരം സി.ജെ.എം കോടതി വ്യക്തമാക്കി.
ഓരോ മൂന്നാഴ്ച കൂടുമ്പോഴും അന്വേഷണ പുരോഗതി അറിയിക്കണമെന്നും കോടതി അറിയിച്ചു. കോടതി ഇടപെട്ടതോടെ സര്‍ക്കാര്‍ അഭിഭാഷകന്‍ അപേക്ഷയില്‍ ഉടന്‍ തിരുത്താമെന്ന് അറിയിച്ചിട്ടുണ്ട്.

തുടരന്വേഷണം നടത്തി അനുബന്ധ കുറ്റപത്രം സമര്‍പ്പിക്കും വരെ വിചാരണ നിര്‍ത്തിവെക്കണമെന്നായിരുന്നു കോടതിയില്‍ പൊലിസ് ആവശ്യപ്പെട്ടത്. കുറ്റപത്രം സമര്‍പ്പിച്ച കേസില്‍ വിചാരണ തീയതി നിശ്ചയിക്കാനിരിക്കെയായിരുന്നു പൊലിസ് നീക്കം. മന്ത്രി ശിവന്‍കുട്ടി അടക്കം നിയമസഭാ കയ്യാങ്കളി കേസിലെ പ്രതികള്‍ക്ക് സഹായകരമായി രീതിയില്‍ തുടരന്വേഷണം വേണമെന്നാണ് പൊലിസിന്റെ ആവശ്യം. കേസ് അവസാനിപ്പിക്കണമെന്ന സംസ്ഥാന സര്‍ക്കാര്‍ ആവശ്യം സുപ്രിം കോടതി വരെ തള്ളിയതാണ്.