മക്ക: ആഭ്യന്തര ഉംറ തീര്‍ത്ഥാടകര്‍ക്ക് ജൂലൈ ഒന്‍പത് മുതല്‍ ഉംറ പെര്‍മിറ്റ് നല്‍കിത്തുടങ്ങും. നേരത്തെ ജൂണ്‍ അഞ്ച് വരെ ഹജ്ജിന്റെ ഭാഗമായി ഉംറ തീര്‍ത്ഥാടകര്‍ക്ക് പെര്‍മിറ്റ് നല്‍കുന്നത് താത്ക്കാലികമായി നിര്‍ത്തിവെച്ചിരുന്നു. പ്രസ്തുത കാലയളവില്‍ ഹജ്ജ് പെര്‍മിറ്റ് ഉളളവര്‍ക്ക് മാത്രമാണ് ഉംറ ചെയ്യാന്‍ സാധിച്ചിരുന്നത്. പെര്‍മിറ്റ് എടുക്കാന്‍ താത്പര്യമുളളവര്‍ നുസുക്ക് ആപ്പ് വഴിയാണ് അതിന് ശ്രമിക്കേണ്ടുന്നത്. സന്ദര്‍ശക വിസ, ടൂറിസ്റ്റ് വിസ, ട്രാന്‍സിറ്റ് വിസ എന്നിവയുളളവര്‍ക്കും പെര്‍മിറ്റ് നേടി ഉംറ നിര്‍വഹിക്കാവുന്നതാണ്.

Content Highlights:umrah permits will be issued soon to pilgrims