മഞ്ചേരി: ക്ലസ്റ്റര്‍ എസ്.കെ.എസ്.എസ്.എഫ് സംഘടിപ്പിച്ച ഐ.എസ്, സലഫിസം, ഫാസിസം വിചാരണാ സംഗമം സമസ്ത ട്രഷറര്‍ സയ്യിദ് ജിഫ്രി മുത്തുകോയ തങ്ങള്‍ ഉദ്ഘാടനം ചെയ്തു. നാസര്‍ ഫൈസി കൂടത്തായി, അബ്ദുല്‍ ഹമീദ് ഫൈസി അമ്പലക്കടവ്, റഹമത്തുല്ലാഹ് ഖാസിമി മുത്തേടം തുടങ്ങിയവര്‍ വിവിധ വിഷയങ്ങള്‍ അവതരിപ്പിച്ചു സംസാരിച്ചു. ലോകത്ത് നടക്കുന്ന ഭീകരപ്രവര്‍ത്തനങ്ങളെ ഇസ്‌ലാമുമായി കൂട്ടിക്കെട്ടരുതെന്നും ഇസ്‌ലാം എക്കാലവും സമാധാനത്തിനുവേണ്ടി നിലകൊണ്ട മതമാണെന്നും സംഗമം അഭിപ്രായപ്പെട്ടു.