തിരൂര്‍: വിദ്യാര്‍ഥികള്‍ അടക്കമുള്ള യാത്രക്കാരെ ആശങ്കയിലാക്കി തിരൂര്‍ നഗരത്തിലും പരിസര പ്രദേശങ്ങളിലും തെരുവുനായ ശല്യംരൂക്ഷം. തിരൂര്‍ മാര്‍ക്കറ്റ്, ബസ് സ്റ്റാന്‍ഡ്, റെയില്‍വേ സ്റ്റേഷന്‍ പരിസരം, പൊലിസ് സ്റ്റേഷന്‍ പരിസരം, തൃക്കണ്ടിയൂര്‍, അന്നാര, റിങ് റോഡ്, തുഞ്ചന്‍ റോഡ് തുടങ്ങിയ മേഖലകളിലാണ് നായകളുടെ ശല്യമുള്ളത്.
നിര്‍മാണം നടക്കുന്ന വീടുകള്‍ ഉള്‍പ്പെടെയുള്ള കെട്ടിടങ്ങളിലും മറ്റും തമ്പടിച്ചാണ് തെരുവുനായകള്‍ വിലസുന്നത്. രാത്രികാലങ്ങളില്‍ ഇരുചക്രവാഹനങ്ങള്‍ പിറകെ ഓടുന്നതും പതിവാണ്. മുമ്പ് നിരവധി പേരെ തിരൂരിന്റെ വിവിധ ഭാഗങ്ങളിലായി തെരുവുനായകള്‍ ആക്രമിച്ചിരുന്നു. മാലിന്യം കുന്നുകൂടുന്നതാണ് പ്രധാനകാരണം. കഴിഞ്ഞ ദിവസം പേ പിടിച്ച നായയുടെ കടിയേറ്റ് ഒരാള്‍ ദാരുണമായി മരിച്ചതോടെ ആശങ്ക ശക്തമായിരിക്കുകയാണ്.