പ്രശസ്ത സാഹിത്യകാരന്‍ മിലന്‍ കുന്ദേര അന്തരിച്ചു

പരാഗ്വെ: ചെക്ക് വംശജനായ എഴുത്തുകാരന്‍ മിലന്‍ കുന്ദേര അന്തരിച്ചു. 94 വയസായിരുന്നു.അസുഖത്തെത്തുടര്‍ന്ന് ദീര്‍ഘനാളായി ചികിത്സയിലായിരുന്നു. ദ അണ്‍ബെയറബിള്‍ ലൈറ്റ്‌നെസ് ഓഫിബീയിങ് എന്ന പ്രശസ്ത നോവലിന്റെ രചയിതാവാണ്.

ചെക്, ഫ്രഞ്ച് ഭാഷകളില്‍ നിരവധി കൃതികള്‍ രചിച്ചിട്ടുണ്ട്. ചെക്ക് നഗരമായ ബ്രൂണോയിലാണ് കുന്ദേര ജനിച്ചത്. എന്നാല്‍ 1975ല്‍ ഫ്രാന്‍സിലേക്ക് കുടിയേറി.കുന്ദേര ജനിച്ചത് ചെക്ക് നഗരമായ ബ്രണോയിലാണ്, എന്നാല്‍ 1968ലെ സോവിയറ്റ് ഇടപെടലിനെ വിമര്‍ശിച്ചതിനെ തുടര്‍ന്ന് പുറത്താക്കപ്പെട്ടതോടെ 1975ല്‍ ഫ്രാന്‍സിലേക്ക് കുടിയേറി.1981ല്‍ ഫ്രഞ്ച് പൗരത്വം ലഭിച്ചു. ചെക്ക് ഭാഷയിലും ഫ്രഞ്ച് ഭാഷയിലും കൃതികള്‍ രചിച്ചിട്ടുണ്ട്.ദി ബുക്ക് ഓഫ് ലാഫ്റ്റര്‍ ആന്‍ഡ് ഫൊര്‍ഗെറ്റിങ്ങ്, ദി ജോക്ക് , ഇമ്മോര്‍ട്ടാലിറ്റി, ഐഡന്റിറ്റി, ഇഗ്‌നറന്‍സ്, തുടങ്ങിയവയാണ് പ്രശസ്ത കൃതികള്‍. 2019 ല്‍ ചെക്ക് സര്‍ക്കാര്‍ അദ്ദേഹത്തിന്റെ പൗരത്വം തിരിച്ചു നല്‍കിയിരുന്നു.