ദുബൈയില്‍ അമിതവണ്ണമുളളവരുടെ എണ്ണത്തില്‍ വര്‍ദ്ധനവ് സംഭവിച്ചതായി ആരോഗ്യ പ്രവര്‍ത്തകര്‍. മുതിര്‍ന്നവര്‍, കുട്ടികള്‍, സ്ത്രീകള്‍,പുരുഷന്‍മാര്‍ എന്നിങ്ങനെയുളള വേര്‍തിരിവുകളൊന്നുമില്ലാതെ അമിതവണ്ണം സമൂഹത്തിലെ എല്ലാ വിഭാഗം ജനങ്ങളിലും കാണപ്പെടുന്നുണ്ടെന്നും ആരോഗ്യവിദഗ്ധര്‍ അറിയിച്ചു. ഭക്ഷണത്തിലെ അനാരോഗ്യ പ്രവണതകള്‍, ജീവിതശൈലി മുതലായവയൊക്കെയാണ് ഇത്തരത്തില്‍ നഗരത്തില്‍ അമിതവണ്ണമുളളവരുടെ എണ്ണം കൂടാനുളള പ്രധാന കാരണങ്ങള്‍.

2022 വരെയുളള കണക്കുകള്‍ പ്രകാരം കുട്ടികളിലെ അമിതവണ്ണത്തില്‍ ഏതാണ്ട് 17.4 ശതമാനത്തിന്റെ വര്‍ദ്ധനവാണ് ഉണ്ടായിട്ടുളളത്. ദീര്‍ഘകാല പദ്ധതികളിലൂടെ മാത്രമെ ഇവകള്‍ നിയന്ത്രിക്കാന്‍ കഴിയൂ എന്ന് വെളിപ്പെടുത്തിയ ആരോഗ്യ വിദഗ്ധര്‍, ഗര്‍ഭിണികളായ സ്ത്രീകളില്‍ കാണപ്പെടുന്ന അമിതവണ്ണത്തില്‍ ആശങ്ക പ്രകടിപ്പിക്കുകയും ചെയ്തു. 2045 ആകുമ്പോഴേക്കും രാജ്യത്തെ പ്രേമേഹ രോഗികളുടെ എണ്ണത്തില്‍ ഇനിയും വര്‍ദ്ധനയുണ്ടാകുമെന്നാണ് പുറത്ത് വരുന്ന റിപ്പോര്‍ട്ടുകള്‍

.ഇത്തരത്തില്‍ നഗരത്തില്‍ വര്‍ദ്ധിച്ചു വരുന്ന അമിതവണ്ണം മൂലമുളള പ്രശ്‌നങ്ങള്‍ മറികടക്കുന്നതിനായി ക്യത്യമായി വ്യായാമത്തില്‍ ഏര്‍പ്പെടുക, നല്ല ഡയറ്റ് ശീലിക്കുക, സൈക്കിള്‍, നടത്തം എന്നിവ സഞ്ചാരത്തിന് കഴിവതും തെരൈഞ്ഞടുക്കുക എന്നിവയെല്ലാം മികച്ച മാര്‍ഗങ്ങളാണ് ആരോഗ്യ വിദഗ്ധര്‍ അഭിപ്രായപ്പെട്ടു.

Content Highlights:obesity is incresing in dubai