'ശമ്പളമോ തരുന്നില്ല, അവധി തരാമോ കൂലിപ്പണിക്കെങ്കിലും പോട്ടെ' ലീവ് ചോദിച്ച് കെ.എസ്.ആര്‍.ടി.സി ജീവനക്കാരന്റെ കത്ത്

തൃശൂര്‍: കൂലിപ്പണിക്ക് പൊകാന്‍ അവധി ചോദിച്ച് കെ.എസ്.ആര്‍.ടി.സി ജീവനക്കാരന്‍. തൃശൂര്‍ ചാലക്കുടി ഡിപ്പോയിലെ ഡ്രൈവര്‍ അജുവാണ് അവധി ചോദിച്ച് അപേക്ഷ അയച്ചത്. മൂന്ന് ദിവസത്തെ അവധിയാണ് അജു ചോദിക്കുന്നത്. കൃത്യമായി ശമ്പളം ലഭിക്കാത്തതിനാല്‍ മൂന്ന് ദിവസത്തെ ലീവ് എടുക്കാന്‍ അനുവദിക്കണമെന്നാണ് അപേക്ഷ.

'സാലറി വരാത്തതിനാല്‍ ഡ്യൂട്ടിക് വരുവാന്‍ വണ്ടിയില്‍ പെട്രോളില്ല. പെട്രോള്‍ നിറക്കാന്‍ കയ്യില്‍ പണവുമില്ല. ആയതിനാല്‍ വട്ടച്ചെലവിനുള്ള പണത്തിനായി ഈ വരുന്ന ബുധന്‍ വ്യാഴം,വെള്ളി (13/7, 14/7, 15/7) ദിവസങ്ങളില്‍ തൂമ്പ പണിക്ക് പോവുകയാണ്. അതിന് വേണ്ടി മേല്‍ പറഞ്ഞ ദിവസങ്ങളില്‍ അവധി അനുവദിച്ചു തരുവാന്‍ അപേക്ഷിക്കുന്നു' ഇതാണ് അജുവിന്റെ അപേക്ഷ.