പാസ്‌പോര്‍ട്ടുകളുടെ ശക്തിയാര്‍ജ്ജിക്കുന്നതോട് കൂടി ആ പാസ്‌പോര്‍ട്ട് ഉപയോഗിക്കുന്ന പൗരന്‍മാര്‍ക്ക് ലഭിക്കുന്ന സേവനങ്ങളിലും വലിയ മാറ്റങ്ങള്‍ സംഭവിക്കും. കൂടാതെ കരുത്തേറിയ പാസ്‌പോര്‍ട്ടുളള രാജ്യങ്ങളിലെ പൗരന്‍മാര്‍ക്ക് വിസയില്ലാതെ കൂടുതല്‍ രാജ്യങ്ങളിലേക്ക് സഞ്ചരിക്കാനും സാധിക്കുന്നു. ഗ്ലോബല്‍ പാസ്‌പോര്‍ട്ട് പവര്‍ റാങ്കിനെ അടിസ്ഥാനപ്പെടുത്തിയാണ് പാസ്‌പോര്‍ട്ടുകളുടെ കരുത്ത് ലിസ്റ്റ് ചെയ്യുന്നത്. 2023ലെ ഗ്ലോബല്‍ പാസ്‌പോര്‍ട്ട് പവര്‍ റാങ്കിങ് അനുസരിച്ച് ആഗോള തലത്തില്‍ കരുത്തുറ്റ 49ാം പാസ്‌പോര്‍ട്ടാണ് ഒമാന്റേത്.

97 മൊബിലിറ്റി സ്‌കോര്‍ സ്വന്തമാക്കിയാണ് ഒമാന്‍ ലിസ്റ്റില്‍ 49ാം സ്ഥാനത്ത് ഇടം പിടിച്ചത്. 40 രാജ്യങ്ങളിലേക്ക് വരെ വിസയില്ലാതെ യാത്ര ചെയ്യാനുതകുന്ന തരത്തിലുളള പ്രിവിലേജ് ഒമാന്റെ പാസ്‌പോര്‍ട്ടിനുണ്ട്. കൂടാതെ നിരവധി രാജ്യങ്ങളിലേക്ക് ഓണ്‍ അറൈവല്‍ വിസയില്‍ എത്താനും ഒമാന്‍ പാസ്‌പോര്‍ട്ട് കൊണ്ട് സാധിക്കും. ഒമാന്‍ പാസ്‌പോര്‍ട്ടിന്റെ വിശ്വാസ്യത നാള്‍ക്കുനാള്‍ വര്‍ദ്ധിച്ചു വരികയാണെന്നും റിപ്പോര്‍ട്ടില്‍ സൂചനയുണ്ട്.

Content Highlights:oman passports is the 49th powerful passport in the world