ഭോപാല്‍ - ഡല്‍ഹി വന്ദേഭാരത് എക്‌സ്പ്രസില്‍ തീപ്പിടിത്തം

ഭോപാല്‍: മധ്യപ്രദേശില്‍ വന്ദേ ഭാരത് എക്‌സ്പ്രസില്‍ തീപ്പിടിത്തം. കോച്ചിന്റെ ബാറ്ററി ബോക്‌സില്‍ ആണ് തീപ്പിടിത്തമുണ്ടായത്. കുര്‍വായ് കെതോറ സ്‌റ്റേഷനില്‍ വച്ചാണ് സംഭവം. ഭോപ്പാലില്‍ നിന്നും ഡല്‍ഹിയിലേക്കുള്ള യാത്രയ്ക്കിടെയാണ് അപകടമുണ്ടായത്. തീ അണച്ചതായും യാത്രക്കാര്‍ സുരക്ഷിതരാണെന്നും റെയില്‍വേ അറിയിച്ചു.

ഹബീബ് ഗഞ്ച് എന്നറിയപ്പെട്ടിരുന്ന കമലപതി ഗഞ്ചില്‍ നിന്നാണ് ട്രെയിന്‍ പുറപ്പെട്ടത്. ന്യൂഡല്‍ഹിയെ നിസാമുദ്ദീനിലേക്ക് പോവുകയായിരുന്നു. ഏകദേശം 20-22 യാത്രക്കാരാണ് കോച്ചില്‍ ഉണ്ടായിരുന്നത്. ഇവരെ പെട്ടെന്നുതന്നെ അടുത്ത കോച്ചുകളിലേക്ക് മാറ്റുകയായിരുന്നു.