മോദിയുടെ വിദേശയാത്ര; അഞ്ച് വര്‍ഷത്തിനിടെ പൊടിച്ച് കളഞ്ഞത് കോടികള്‍

ന്യൂഡല്‍ഹി: കഴിഞ്ഞ അഞ്ചു വര്‍ഷത്തിനിടെ പ്രധാനമന്ത്രി നരേന്ദ്രമോദിയുടെ വിദേശ യാത്രയ്ക്കായി ചെലവഴിച്ചത് 254.87 കോടി. വിദേശകാര്യ മന്ത്രാലയം പാര്‍ലമെന്റിനെ അറിയിച്ചതാണിത്. രാജ്യസഭയില്‍ എ.എ.പി എം.പി സഞ്ജയ് സിങ്ങിന്റെ ചോദ്യത്തിന് വിദേശകാര്യ സഹമന്ത്രി വി. മുരളീധരന്‍ ആണ് മറുപടി നല്‍കിയത്. അഞ്ചു വര്‍ഷം കൊണ്ട് മോദിയുടെ വിദേശപര്യടനത്തിന് 2,54,87,01,373 രൂപയാണ് ചെലവാക്കിയതെന്നും അദ്ദേഹം രേഖാമൂലം നല്‍കിയ മറുപടിയില്‍ പറയുന്നു.
2019 ഫെബ്രുവരി 21 മുതല്‍ 2022 നവംബര്‍ 16 വരെ 22 കോടിയാണ് ചെലവഴിച്ചത്. 21 രാജ്യങ്ങളിലാണ് മോദി ഈ കാലയളവില്‍ സന്ദര്‍ശനം നടത്തിയത്.