കയ്പമംഗലം: ചെന്ത്രാപ്പിന്നിയില്‍ വിദ്യാര്‍ഥിനികളെ പീഡിപ്പിക്കാന്‍ ശ്രമിച്ച കേസില്‍ രണ്ടുപേരെ മതിലകം പൊലിസ് അറസ്റ്റ് ചെയ്തു. ചെന്ത്രാപ്പിന്നി ഈസ്റ്റ് സ്വദേശികളായ പടിഞ്ഞാറ്റയില്‍ മുകേഷ് (26), പെരിങ്ങത്തറ ബിജു(31)എന്നിവരെയാണ് മതിലകം എസ്.ഐ സില്‍വര്‍സ്റ്ററും സംഘവും അറസ്റ്റ് ചെയ്തത്. ഇക്കഴിഞ്ഞ ഏപ്രിലിലും കഴിഞ്ഞ വര്‍ഷവുമാണ് കേസിനാസ്പദമായ സംഭവം നടന്നത്. മൊബൈല്‍ ഫോണില്‍ അശ്ലീലചിത്രം കാണിച്ചു കൊടുത്ത് അയല്‍വാസികളായ വിദ്യാര്‍ഥിനികളെ ഇവര്‍ പീഡിപ്പിക്കാന്‍ ശ്രമിക്കുകയായിരുന്നു. പിന്നീട് കുട്ടികള്‍ സ്‌കൂളില്‍ വിവരമറിയിക്കുകയും തുടര്‍ന്ന് സ്‌കൂള്‍ അധികൃതര്‍ ചൈല്‍ഡ് ലൈന്‍ പ്രവര്‍ത്തകര്‍ക്ക് പരാതി നല്‍കുകയുമായിരുന്നു. പരാതിയെ തുടര്‍ന്ന് മതിലകം പൊലിസ് എത്തി ഇവരെ അറസ്റ്റ് ചെയ്തു. പ്രതികളെ കോടതിയില്‍ ഹാജരാക്കി.