കുവൈറ്റ് സിറ്റി: ജാബർ അൽ-അഹമ്മദ് സിറ്റിയിലെ ക്ലിനിക്കിൽ ജോലി ചെയ്യുന്ന ഡോക്ടറെ സന്ദർശകൻ ആക്രമിച്ചതായി അൽ ഖബാസ് ദിനപത്രം റിപ്പോർട്ട് ചെയ്യുന്നു. വൈദ്യപരിശോധനയ്ക്ക് അഭ്യർത്ഥിക്കുന്ന സന്ദർശകരുടെ ഡാറ്റ പരിശോധിക്കാനുള്ള കർശന നിർദ്ദേശങ്ങളുടെ അടിസ്ഥാനത്തിൽ, കമ്പ്യൂട്ടർ സിസ്റ്റത്തിൽ അദ്ദേഹത്തിന്റെ ഡാറ്റയുമായി പൊരുത്തപ്പെടാത്തതിനാൽ ക്ലിനിക്കിലെ ഡോക്ടർ സന്ദർശകന് സിക്ക് ലീവ് (അസുഖ അവധി) അനുവദിക്കാൻ വിസമ്മതിച്ചതാണ് സംഭവം.

ഈ സമയത്ത്, ഇത് മനസ്സിലാകാത്ത സന്ദർശകൻ ഡോക്ടറോട് ദേഷ്യപ്പെടുകയും മർദിക്കുകയും ചെയ്തു. സംഭവത്തിൽ ഡോക്ടർ പോലീസിൽ പരാതി നൽകുകയും ആരോഗ്യ മന്ത്രാലയത്തിന് റിപ്പോർട്ട് നൽകുകയും ചെയ്തതായി അൽ ഖബാസ് ദിനപത്രം അറിയിച്ചു.