കണ്ടുകെട്ടിയ വാഹനങ്ങൾ തിരിച്ചുപിടിക്കാൻ നാല് ദിവസം കൂടി; നടപടിയെടുത്തില്ലെങ്കിൽ ലേലം

ഷാർജ: ഷാർജ അധികൃതർ കണ്ടുകെട്ടിയ വാഹനങ്ങളുമായി ബന്ധപ്പെട്ട ഇടപാടുകൾ തീർക്കാൻ ഇനി നാല് ദിവസം മാത്രം. ഈ ദിവസത്തിനുള്ളിൽ ഇടപാടുകൾ തീർത്തില്ലെങ്കിൽ മുനിസിപ്പാലിറ്റി അവ പൊതു ലേലത്തിലൂടെ വിൽക്കുമെന്ന് അറിയിച്ചു. ഇതോടെ വാഹനം പൂർണമായി ഉടമക്ക് നഷ്ടമാകും.

ആറ് മാസത്തിലേറെയായി ഷാർജ അധികൃതർ കണ്ടുകെട്ടിയ വാഹനങ്ങൾ, യന്ത്രങ്ങൾ, മോട്ടോർ സൈക്കിളുകൾ, സൈക്കിളുകൾ എന്നിവയുടെ ഉടമകൾക്കാണ് അവരുടെ ബാധ്യതകൾ തീർക്കാൻ നാല് ദിവസത്തെ സമയം കൂടിയേ ഒള്ളൂ എന്ന് അധികൃതർ അറിയിച്ചത്. സോഷ്യൽ മീഡിയ പോസ്റ്റിലൂടെയാണ് ഇക്കാര്യം അറിയിച്ചത്.

"ഷാർജ സിറ്റി മുനിസിപ്പാലിറ്റി ആറ് മാസത്തിലേറെയായി കണ്ടുകെട്ടിയ വാഹനങ്ങൾ, യന്ത്രങ്ങൾ, മോട്ടോർ സൈക്കിളുകൾ, സൈക്കിളുകൾ, സൈക്കിളുകൾ എന്നിവ വിട്ടുനൽകുന്നതിന് ആവശ്യമായ നടപടിക്രമങ്ങൾ സ്വീകരിക്കാത്തവർ ഈ നോട്ടീസ് പ്രസിദ്ധീകരിച്ച തീയതിയായ ജൂൺ 24/7/2023 മുതൽ നാല് ദിവസത്തിനകം ഇൻസ്‌പെക്‌ഷൻ ആൻഡ് കൺട്രോൾ ഡിപ്പാർട്ട്‌മെന്റിനെ സമീപിക്കണമെന്ന് അഭ്യർത്ഥിക്കുന്നു. അല്ലാത്തപക്ഷം നാല് ദിവസത്തെ കാലയളവിന് ശേഷം മുനിസിപ്പാലിറ്റിക്ക് അവ പൊതു ലേലത്തിലൂടെ വിൽക്കേണ്ടിവരും” പോസ്റ്റിൽ പറയുന്നു.