യുഎഇ: യുഎഇയില്‍ ദുര്‍മന്ത്രവാദം നടത്തുകയും മറ്റുള്ളവരെ കബളിപ്പിക്കുകയും ചെയ്ത ഏഴ് പേര്‍ക്ക് 50,000 ദിര്‍ഹം പിഴയും ആറ് മാസം തടവും വിധിച്ചു. ദുര്‍മന്ത്രവാദത്തിന് ഇരയായതായി ഒരാള്‍ പരാതിപ്പെട്ടതിന് പിന്നാലെയാണ് ഇതിന് പിന്നില്‍ പ്രവര്‍ത്തിച്ച 7 പേരെയും പിടി കൂടിയത്. ആളുകളെ സുഖപ്പെടുത്താന്‍ കഴിയുന്ന 400 വര്‍ഷത്തിലേറെയുള്ള ഒരു ജിന്ന് തങ്ങള്‍ക്കുണ്ടെന്നാണ് പ്രതികള്‍ ഇരകളോട് പറഞ്ഞിരുന്നത്.

മന്ത്രവാദം, വഞ്ചന, മന്ത്രവാദത്തിന് ഉപയോഗിക്കുന്ന വസ്തുക്കള്‍ കൈവശം വെക്കുക എന്നീ കുറ്റങ്ങള്‍ ചുമത്തിയാണ് ഏഴുപേരെയും കോടതിയില്‍ ഹാജരാക്കിയത്. ഇവര്‍ക്ക് 6 മാസത്തെ ജയില്‍ ശിക്ഷയും ജുഡീഷ്യല്‍ ഫീസിന് പുറമെ 50,000 ദിര്‍ഹം പിഴ അടക്കാനും വിധിച്ചിട്ടുണ്ട്.

Content Highlights:seven people arrested in uae practicing black magic