നാലു മാസം പ്രായമായ കുഞ്ഞിനെ കടത്തിക്കൊണ്ടുപോയി; നാടോടി സംഘം പിടിയില്‍

തിരുവനന്തപുരം: നാഗര്‍കോവിലില്‍ നിന്ന് നാലുമാസം പ്രായമുള്ള കുട്ടിയെ തട്ടിക്കൊണ്ടുവന്ന തമിഴ്‌നാട് സ്വദേശികളെ ചിറയിന്‍കീഴ് പൊലിസ് പിടികൂടി. നാഗര്‍കോവില്‍ സ്വദേശികളായ ശാന്തി, നാരായണന്‍ എന്നിവരാണ് പിടിയിലായത്.

നാലുമാസം പ്രായമുള്ള ആണ്‍കുഞ്ഞിനെയാണ് തമിഴ്‌നാട് വടശേരിയില്‍ നിന്നും ഇവര്‍ കടത്തിക്കൊണ്ടുവന്നത്. സംശയം തോന്നിയ പൊലിസ് ഇവരെ ചോദ്യം ചെയ്തപ്പോള്‍ കുഞ്ഞിനെ തട്ടിക്കൊണ്ടുവന്നതാണെന്ന് ഇവര്‍ സമ്മതിച്ചു.

ഭിക്ഷാടനത്തിനായാണ് കുഞ്ഞിനെ തട്ടിക്കൊണ്ടുവന്നതെന്നാണ് പൊലിസിന്റെ സംശയം. കുഞ്ഞുമായി ഏറനാട് എക്‌സ്പ്രസിലാണ് ഇവര്‍ തിരുവനന്തപുരത്തെത്തിയത്. പ്രതികളെ തമിഴ്‌നാട് പൊലിസിന് കൈമാറി.