പയ്യന്നൂര്‍: സംഘര്‍ഷം നിലനില്‍ക്കുന്ന കുന്നരുവില്‍ ആര്‍.എസ്.എസ് പ്രവര്‍ത്തകന്റെ ഓട്ടോ അഗ്നിക്കിരയാക്കി. കുന്നരു ഓണപ്പറമ്പ് പത്തുസെന്റ് കോളനിയില്‍ ശിവാസിന്റെ വീട്ടുമുറ്റത്ത് നിര്‍ത്തിയിട്ട ഓട്ടോറിക്ഷയാണ് കഴിഞ്ഞദിവസം അര്‍ധരാത്രിയോടെ കത്തിച്ചത്. ശിവാസിന്റെ ഭാര്യാ പിതാവ് ഓടിക്കുന്ന സ്വകാര്യ ഓട്ടോയാണിത്. ഓട്ടോയ്ക്കു മുകളില്‍ കെട്ടിയ പ്ലാസ്റ്റിക് ഷീറ്റും നശിപ്പിച്ചിട്ടുണ്ട്. വീട്ടുകാര്‍ ഉണര്‍ന്ന് വെള്ളമൊഴിച്ച് തീ കെടുത്തുകയായിരുന്നു. പയ്യന്നൂര്‍ പൊലിസ് സ്ഥലത്തെത്തി പരിശോധന നടത്തി. സി.പി.എം പ്രവര്‍ത്തകന്‍ ധനരാജ് കൊല്ലപ്പെട്ട സംഭവത്തില്‍ ശിവാസിനെ പൊലിസ് ചോദ്യം ചെയ്തിരുന്നു. ഇയാളുടെ വീട് പെട്രോളൊഴിച്ച് കത്തിക്കാനും നേരത്തെ ശ്രമം നടന്നിരുന്നു.